बुलढाणा: पालकमंत्री गुलाबराव पाटील बेपत्ता!; ‘राष्ट्रवादी’ने पोलिसांत केलेली तक्रार समाजमाध्यमांवर प्रसारित

हेही वाचा >>> बुलढाणा: जालना-खामगाव रेल्वेमार्ग होणारच; रेल्वे राज्यमंत्री दानवेंचे वक्तव्य ‘त्या’ कार्यक्रमापुरतेच मर्यादित – खा. प्रतापराव जाधव

हेही वाचा >>> चंद्रपूर: वाघाच्या हल्ल्यात महिला शेतकरी ठार; चार दिवसात चार जणांचे बळी

या तक्रारीत नमूद आहे की, शिंदे फडणवीस सरकार स्थापन झाल्यानंतर अनेक महिने मुख्यमंत्री व उपमुख्यमंत्री यांनीच कारभार चालवला. एकाही जिल्ह्याला पालकमंत्री नव्हते, त्यामुळे विविध जिल्ह्यातील कामे पूर्णपणे ठप्प झाली होती. त्यामुळे पालकमंत्री द्यावे, अशी मागणी सर्व स्तरातून होऊ लागल्याने नवीन पालकमंत्र्यांची घोषणा झाली. त्यानंतर बुलढाणा जिल्ह्याचे पालकत्व गुलाबराव पाटील यांच्याकडे देण्यात आले मात्र एकदाच राजकीय कार्यक्रमानिमित्त आलेले पालकमंत्री नंतर जिल्ह्यात फिरकलेच नाहीत. त्यामुळे पालकमंत्री कुठेतरी बेपत्ता झाले आहेत, त्यांचा पोलिसांनी तात्काळ शोध घ्यावा अशी मागणी करत, राष्ट्रवादी काँग्रेसच्या पदाधिकाऱ्यांनी बुलढाणा शहर पोलीस ठाण्यात तक्रार दिली आमच्या पालकमंत्र्यांना तात्काळ शोधून आणावे अशी मागणी शहराध्यक्ष बावस्कर, राजेश गवई, मंगेश बिडवे, सत्तार कुरेशी, संदीप तायडे, नाझीमा इसहाक खान, संतोष पवार, फदाट यांनी केली आहे.