मुलीने अर्धनग्नावस्थेत जंगलातून काढला पळ… बलात्कार करण्याचा प्रयत्न करणाऱ्या युवकाला अटक

नागपूर : एका १० वर्षीय मुलीला चॉकलेट घेऊन देण्याच्या बहाण्याने युवकाने जंगलात नेले. तिचे कपडे काढून लैंगिक अत्याचार करण्याचा प्रयत्न केला. मात्र, मुलीने शौचास जाण्याचा बहाणा करून थेट पळ काढला. मुख्य रस्त्यावर पोहचून दोन दुचाकीचालकाला मदत मागितली. त्या दोघांनी तिला पोलीस ठाण्यात पोहचवले. देवदुताप्रमाणे आलेल्या दोन सुरक्षारक्षकामुळे मोठा अनर्थ टळला. ही घटना शुक्रवारी सायंकाळी सात वाजता एमआयडीसीत घडली. या प्रकरणी एमआयडीसी पोलिसांनी गुन्हा दाखल करून युवकाला अटक केली.

आणखी वाचा

धक्कादायक! रेल्वे पुलाखाली अल्पवयीन मुलीवर करायचा लैंगिक अत्याचार…

Madhurima Raje : सतेज पाटील ज्यांच्यामुळे ढसाढसा रडले…

पिंपरी: रावेतमधील हिट अँड रन प्रकरण; चार दिवसांनी आरोपी अटकेत, ८० सीसीटीव्ही…

Kolkata Rape and Murder : “मला अडकवलं जातं आहे, कारण..” ; आर.जी. कर बलात्कार आणि हत्या प्रकरणातला आरोपी संजय रॉय काय म्हणाला?

धक्कादायक! हॉर्न का वाजवता? विचारल्याने दोन बहि‍णींकडून माजी पोलीस अधिकाऱ्यावर चाकूने हल्ला करण्याचा प्रयत्न

नागपूर : मध्यरात्री अल्पवयीन मुलगी प्रियकराच्या मिठीत; वडिलांनी…

Kanpur : धक्कादायक! महिलेची हत्या करून मृतदेह ‘व्हिआयपी’ परिसरात पुरला; चार महिन्यांनी ‘असं’ उलगडलं घटनेचं रहस्य

जेवण बनवण्यावरून वाद; लोखंडी रॉडनी ११ घाव घालून केली हत्या, पिंपरीतील घटना

सोनू उर्फ मोहम्मद सरफराज जहागीर आलम (२२) असे आरोपीचे नाव असून तो एमआयडीसी परिसरातील एका झोपडपट्टीत राहतो. त्याच्या वस्तीत १० वर्षीय पीडित मुलगी राहते. दोघांची तोंडओळख आहे. शुक्रवारी गणराज्यदिनानिमित्त सर्वत्र कार्यक्रम सुरू असताना दुपारी चार वाजता जेवण करायला कार्यक्रमात गेली होती. तिथे आरोपी सोनूने तिच्याशी असलेल्या ओळखीचा फायदा घेतला. तिला चॉकलेट खरेदी करून देण्याच्या बहाण्याने सायकलवर बसवले. तो ओळखीचा असल्याने ती त्याच्या सोबत जायला तयार झाली. तासभर आरोपीने तिला सायकलवर परिसरात फिरवले. त्यानंतर डिंगडोह परिसरात डंपिंग यार्डपासून काही अंतरावर असलेल्या निर्मनुष्य परिसरात घेऊन गेला. तिथे जबरदस्तीने तिला अंगावरील कपडे काढायला लावले. प्रसंगावधान राखून मुलीने हुशारी दाखवून शौचास जायचे असल्यास सांगितले. आरोपी तयार झाला. शौचाच्या बहाण्याने ती मुलगी थोडी लांब गेली आणि आरोपी थोडा बेसावध असल्याचे पाहून तेथून पळ काढला. त्यानंतर पळत ती मुख्य रस्त्यावर आली आणि मदतीसाठी ओरडू लागली.

आणखी वाचा-आईच्या प्रियकराचा मुलीवरही बलात्कार

दरम्यान त्या रस्त्यावर तिला एका शाळेचे दोन सुरक्षारक्षक जाताना दिसले. त्यांना थांबवून तिने सर्व प्रकार सांगितला.त्यांनी तिला चादरीने झाकले व एमआयडीसी पोलिसांना माहिती दिली. वरिष्ठ पोलीस निरीक्षक भीमा नरके यांनी घटनेचे गांभीर्य ओळखून तत्काळ घटनास्थळ गाठले. जंगलातून पळत येताना काही ठिकाणी ती अनेक ठिकाणी पडल्याने जखमीही झाली होती. पोलिसांनी प्राथमिक उपचार करून तिला घेऊन तिला तिच्या घरी आणून सोडले. हा प्रकार ऐकून तिच्या आईला धक्का बसला. त्यानंतर मुलीच्या आईने दिलेल्या तक्रारीवरून पोलिसांनी आरोपी विरोधात विविध कलमांतर्गत गुन्हा दाखल केला. आरोपीचा शोध घेण्यासाठी पोलीस पथक तयार केले आणि घटनेच्या काही तासातच आरोपीला परिसरातून ताब्यात घेतले. त्याने मुलीवर लैंगिक अत्याचार करण्याच्या उद्देशाने जंगलात नेल्याची कबुली दिली.