नवरा-बायकोतील वादाचा भयानक अंत! सासरच्‍यांनीच केली जावयाची हत्‍या; रहस्‍यमय हत्‍याकांडाचा अखेर उलगडा

संजू चन्नू जामुनकर (४०, रा. मरीता) असे मृताचे नाव आहे. या प्रकरणी सोनाजी लोफे धिकार, भाकलू सोमा धिकार, केंडे सोमा धिकार सर्व रा. चुनखडी व मातिंग भय्या सेलूकर रा. हतरू यांच्याविरुद्ध गुन्हा दाखल करण्यात आला आहे. पोलीस सूत्रांनी दिलेल्या माहितीनुसार संजू जामूनकर व त्याची पत्नी बुकली यांच्यात घरगुती कारणावरून वाद झाला होता. या वादात संजूने पत्नी बुकलीला मारहाण केली होती. ही बाब बुकलीने माहेरच्यांना सांगितली होती. त्यामुळे धिकार कुटुंबीयांनी तिला माहेरी नेले होते. त्‍यानंतर संजू हा सासरी पोहचला आणि पत्‍नीला आपल्‍या घरी परत घेऊन आला.

हेही वाचा… नागपूर: शहरातील युवावर्ग पुन्हा हुक्का पार्लरच्या वाटेवर; पार्लरमालकांचे पोलिसांसोबत ‘अर्थपूर्ण’ संबंध!

१३ जून रोजी संजू जामूनकर हा सेमाडोह येथे बँकेत केवायसी करण्यासाठी गेला होता. तेथून गावी जाण्यासाठी वाहन नसल्याने तो चुनखडी येथील सासरी गेला. रात्री तो मुक्कामी होता. त्यावेळी मुलीला परत घेऊन गेल्याच्या रागातून आरोपींनी संजू जामूनकरची मान पिरगळून हत्या केली होती. हत्‍या कुणी केली, याचा उलगडा झाला नव्‍हता. तपासात ही बाब समोर आल्यावर पोलिसांनी गुन्हा दाखल केला.