गडचिरोली : ‘पीएलजीए’ सप्ताहाच्या पहिल्याच दिवशी नक्षल्यांची ‘बॅनरबाजी’, पोलीस यंत्रणा सतर्क

नक्षल्यांचे सशस्त्र संघटन पीपुल्स लिबरेशन गुरिल्ला आर्मीच्या (पीएलजीए) स्थापना दिनानिमित्त नक्षलवादी दरवर्षी २ ते ८ डिसेंबरदरम्यान ‘पीएलजीए’ सप्ताह पाळतात. यादरम्यान ते हिंसक कारवाया करतात. त्यामुळे गडचिरोलीच्या नक्षलप्रभावित क्षेत्रात या काळात दहशतीचे वातावरण असते. आज ‘पीएलजीए’ सप्ताहाचा पहिलाच दिवस असून नक्षल्यांनी भामरागड तालुक्यातील मीडदापल्ली जवळ बॅनर लावले. यात त्यांनी हा सप्ताह साजरा करण्याचे आवाहन केले आहे. सोबतच यंत्रणेला इशारा देखील दिला आहे. त्यामुळे परिसरात काही काळ दहशतीचे वातावरण निर्माण झाले होते.

हेही वाचा – अकोला : अल्पवयीन मुलीवर अत्याचार; नराधमाला २० वर्षांचा कारावास

हेही वाचा – “राजकारणात सर्वच असूर नसतात तर सुरेल माणसे असतात, गडकरी आणि फडणवीस दोघेही पट्टीचे कलाकार”, मुख्यमंत्री असे का म्हणाले?

दरम्यान, सप्ताहात नक्षल्यांच्या हिंसक कारवायांवर अंकुश ठेवण्यासाठी गडचिरोली पोलीस ड्रोनसारख्या आधुनिक उपकरणाची मदत घेत आहे. सोबतच नक्षलविरोधी पथकाचे (सी६०) अभियान अधिक गतीने राबविण्यात येत आहे, अशी माहिती पोलीस अधिकाऱ्यांनी दिली.