scorecardresearch

‘रेव्ह पार्टी’ला पोलीसांचा आशीर्वाद! दोन कर्मचारी निलंबित, आयोजक युवक काँग्रेसचा पदाधिकारी

हिंगणा पोलीस ठाण्याच्या हद्दीतील खरसमारी गावाजवळील गिरनार फार्महाऊसमध्ये ‘रेव्ह पार्टी’ आयोजित करणारा युवक काँग्रेसचा पदाधिकारी होता, अशी माहिती समोर आली. 

rave party
‘रेव्ह पार्टी’ला पोलीसांचा आशीर्वाद

नागपूर : हिंगणा पोलीस ठाण्याच्या हद्दीतील खरसमारी गावाजवळील गिरनार फार्महाऊसमध्ये ‘रेव्ह पार्टी’ आयोजित करणारा युवक काँग्रेसचा पदाधिकारी होता, अशी माहिती समोर आली. युवक काँग्रेसचे राज्य सचिव सईश वारजूरकर आणि त्याच्या सहकाऱ्याने मोठा खर्च करून  ‘रेव्ह पार्टी’चे आयोजन केले होते. सईश वारजूरकर हे काँग्रेस नेते सतीश वारजूरकर यांचे पुत्र असून सतीश वारजूरकर यांनी चिमूरमधून विधानसभा निवडणूक लढवली हाेती. याशिवाय सईश हे माजी आमदार डॉ. अविनाश वारजूरकर यांचे पुतणे आहेत.

या पार्टीसाठी ग्रामपंचायत, पोलीस, राज्य उत्पादन शुल्क विभाग आणि संबंधित विभागाची परवानगी घेण्यात आली होती. आयोजकच काँग्रेसचा पदाधिकारी असल्यामुळे काही पोलीस अधिकारी आणि कर्मचाऱ्यांना हाताशी धरून या पार्टीचे आयोजन करण्यात आले होते. आयोजकांनी हिंगणा पोलिसांशी ‘अर्थपूर्ण’ संबंध ठेवल्याची माहिती आहे.

 पार्टीत शेकडो तरुण-तरुणीसह काही राजकीय नेत्यांचे पुत्र, नातेवाईक तसेच गुन्हेगारी जगतातील बरेच जण सहभागी झाले होते.  वरिष्ठ पोलीस अधिकाऱ्यांना या पार्टीच्या आयोजनाबाबत योग्य माहिती दिली नाही. त्यामुळे पोलीस आयुक्त अमितेश कुमार यांनी ध्रुव पांडे आणि संजय गायकवाड या दोघांवर निलंबनाची कारवाई केली. यापूर्वी ठाणेदार बळीराम परदेशी यांचीही बदली करण्यात आली. या पार्टीत डीबी पथकातील काही कर्मचाऱ्यांचीही उपस्थिती होती, अशी माहिती आहे.

दरम्यान, युवक काँग्रेसचे सचिव सईश वारजूरकर यांनी एकट्याने या पार्टीचे आयोजन केले नसून या पार्टीसाठी रितसर परवानगी घेतली होती. सूडभावनेने ही कारवाई करण्यात आली, असे युवक काँग्रेसचे राष्ट्रीय सचिब अजित सिंह सांगितले.

मराठीतील सर्व नागपूर/विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Police rave party employees suspended organizer youth congress incumbent ysh

ताज्या बातम्या