नागपूर: मला उमेदवारी देऊ नये म्हणून बावनकुळे यांचाच दबाव होता, त्यांनी ज्यांना उमेदवारी दिली त्यांना निवडून आणण्याची जबाबदारी त्यानी घेतली होती, त्यामुळे रामटेकच्या शिवसेनेच्या पराभावासाठी तेच जबाबदार आहेत, असा थेट आरोप रामटेकचे शिंदेगटाचे मावळते खासदार कृपाल तुमाने यांनी दिल्लीत वृत्तवाहिन्यांशी बोलताना केला व भाजप नेते अमित शहा यांच्याकडे तक्रार करणार असल्याचे ही त्यांनी सांगितले.

रामटेक लोकसभा मतदारसंघात शिवसेनेचे उमेदवार राजू  पारवे यांचा दणदणीत पराभव झाला. त्यानंतर तुमाने यांनी थेट दिल्लीत  प्रदेशाध्यक्ष चंद्रशेखर बावनकुळे यांना लक्ष्य केले.दिल्लीत वृत्तवाहिनीशी बोलताना तुमाने म्हणाले,  चंद्रशेखर बावनकुळे यांनी सर्वेक्षणाचा आधार घेऊन मला उमेदवारी देऊ नका, असा आग्रह मुख्यमंत्री एकनाथ शिंदे यांच्याकडे धरला होता. त्यासाठी अमित शहायांच्याकडून दबाव आणला होता.  रामटेकमध्ये कामठी हा माझा मतदारसंघ आहे, तेथून शिवसेनेचा उमेदवार विजयी करायचा असेल तर उमेदवार बदलवा, असे त्यांचे म्हणने होते. उमेदवार बदलला पण जो उमेदवार दिला त्याला सुद्धा ते निवडून आणू शकले नाही, त्यामुळे रामटेकच्या पराभवाची जबाबदारी त्यांनीच आहे.तेच खरे व्हिलन आहेत, असा आरोप तुमाने यांनी वृत्तावाहिनीशी बोलताना केला.

Narendra Modi In Radhika- Anant Ambani Wedding
नरेंद्र मोदी यांनी नीता अंबानींना वाकून केला नमस्कार? फोटो पाहून लोक म्हणतात, “मालकिणीसमोर तर..”, वाचा खरं काय
Smriti Singh | स्मृती सिंग
“स्मृती सिंग यांनी प्रेमाच्या नावाखाली…”, शहीद अंशुमन सिंग यांच्या वडिलांचा गंभीर आरोप!
IAS Pooja Khedkar Mother Manorama Khedkar Gun Video
Manorama Khedkar Video : “…म्हणून मनोरमा खेडकर यांनी पिस्तुल काढले”, पूजा खेडकरंच्या वडिलांनी सांगितले धक्कादायक कारण
ashish shelar replied to aditya thackeray
“मिहीर शाहच्या घरावर बुलडोझर कधी चालणार?” म्हणणाऱ्या आदित्य ठाकरेंना आशिष शेलारांचं प्रत्युत्तर म्हणाले…
Sharad Pawar VS Ajit Pawar
“अधून-मधून वारीला जाणाऱ्यांना हौशे-नवशे-गवसे म्हणतात”, रशियातील महिलेचा किस्सा सांगत शरद पवारांचा अजित पवारांना अप्रत्यक्ष टोला!
Criticism of Eknath Shinde government regarding Rabindra Waikar investigation closed by the ed print politics news
खासदार वायकर यांना अभय; विरोधकांची टीका; सोमय्या कुठे गेले, काँग्रेसचा सवाल
Controversy, Shukre commission,
शुक्रे आयोगाला प्रतिवादी करायचे की नाही यावरून वाद, मराठा आरक्षणविरोधी याचिकाकर्त्यांतच मतभेद
Devendra Fadnavis statement on Uddhav Thackeray criticism of the budget
अर्थसंकल्पावरील उद्धव ठाकरेंच्या टिकेवर बोलताना फडणवीस म्हणाले…

हेही वाचा >>> गडचिरोली : नक्षल्यांचा आणखी एक तळ उध्वस्त; मोठ्या प्रमाणात नक्षली साहित्य जप्त

तुमाने म्हणाले, मी दोनदा रामटेकचे प्रतिनिधित्व केले. दोन्ही वेळेला लाखाहून अधिक मतांनी निवडून आलो असतो. भाजपने कुठला सर्व्हे केला याची कल्पना नाही.त्यांनी त्यांच्या पक्षातील कार्यकर्त्याला तिकीट दिले असते तर मला आनंद झाला असता. मात्र काँग्रेसच्या व्यक्तीला आणून तिकीट दिले,  ते मुख्यमंत्र्यांवर दररोज दबाव आणायचे. गृहमंत्री अमित शहा यांच्याकडून दबाव आणून त्यांनी माझे तिकीट कापले, असा आरोप तुमताने यांनी केला.

हेही वाचा >>> पारस औष्णिक विद्युत केंद्रातील एक संच बंद; १५ दिवस संचातून वीजनिर्मिती ठप्प

गृहमंत्र्यांकडे तक्रार करणार

मी अमित शहा यांना भेटून त्यांना तिकीट का कापली याची विचारणा करणार व बावनकुळे यांची तक्रार करणार असल्याचे तुमाने यांनी सांगितले. ज्यांच्या विधानसभा क्षेत्रात चांगली कामगिरी शकणार नाही त्यांच्यावर कारवाई करू असे बावनकुळे म्हणाले होते. आता त्यांच्यात विधानसभेत महायुतीचा उमेदवार मोठ्या पिछाडीवर होता. आता बावनकुळे स्वतःपासून कारवाई करणार का असा सवाल त्यांनी केला.

भाजपकडून तुमानेंचा निषेध

तुमाने यांनी केलेल्या आरोपांचा आम्ही निषेध करतो. तुमाने यांना रामटेकमधून दोनदा खासदार करण्यात भाजपने मौलिक भूमिका पार पाडली होती. त्यांना उमेदवारी देणे किंवा न देणे हा शिंदेसेनेचा प्रश्न होता. आम्ही तर ती जागा भाजपसाठी मागितली होती. मात्र ती जागा शिंदेसेनेकडे गेली होती. अरविंद गजभिये, सुधीर पारवे यांना शिंदेसेनेच्या तिकीटावर लढवावे असा प्रस्तावदेखील आम्ही दिला होता. राजू पारवे यांना शिंदेसेनेने उमेदवारी दिली होती. तुमाने यांनी विनाकारण टीका करू नये, असे भाजपचे डॉ. राजीव पोतदार म्हणाले. एखाद्या विधानसभेत महायुतीला मते मिळाली नाही तर काय सर्वांनीच राजीनामे देऊन घरी बसावे का असा सवाल पोतदार यांनी केला.