बुलढाणा : सिंदखेडराजा तालुक्यात नक्कल करणारे दोन विद्यार्थी निलंबित

बारावीचा गणिताचा पेपर फुटल्याने हादरलेल्या सिंदखेडराजा तालुक्यातील दोन बारावीच्या परीक्षार्थीना आज निलंबित करण्यात आले.
आज ३ मार्च रोजी सिंदखेडराजा तालुक्यातील चारपैकी एका परीक्षा केंद्रावर बारावीचा गणिताचा पेपर सुरू होण्यापूर्वीच फुटला. याची गंभीर दखल घेत सिंदखेडराजा पंचायत समितीचे गट शिक्षणाधिकारी रंगनाथ गावडे यांनी चार केंद्रांवरील ‘बंदोबस्त’ वाढवला. गावडे यांनी सर्व परीक्षा केंद्रांवर भेटी दिल्या.