नागपूर : महाराष्ट्र विधानसभेतील शिवसेना आमदार अपात्रतेबाबत निर्णय देण्यासाठी सर्वोच्च न्यायालयाने मार्गदर्शक सूचनांचे बंधन घातले होते. परंतु, विधानसभा अध्यक्ष राहुल नार्वेकर यांनी या मार्गदर्शक सूचनांचे उल्लंघन केले, असे मत उच्च न्यायलायाचे अधिवक्ता फिरदौस मिर्झा यांनी व्यक्त केले.

पीपल फॉर इक्वॉलिटी एमिटी अँड कम्युनल एमांसिपेशनतर्फे (पीस) शिवसेना सदस्यांच्या अपात्रता प्रकरणावर नार्वेकर यांनी नुकत्याच दिलेल्या निकालावर शुक्रवारी विनोबा भावे विचार केंद्र, धरमपेठ येथे परिसंवाद पार पडला. यावेळी प्रमुख वक्ते म्हणून अधिवक्ता मिर्झा बोलत होते.

Sameer Wankhede, Narcotics case,
अमली पदार्थ प्रकरण : समीर वानखेडेविरोधातील प्राथमिक चौकशीचे पुरावे सादर करा, उच्च न्यायालयाचे एनसीबीला आदेश
dharmarao baba Atram, Present Evidence, Wadettiwar s Alleged BJP Entry, Press Conference, dharmarao baba Atram Press Conference, vijay Wadettiwar, oppositon leader of maharashtra assembly, congress, ncp, lok sabha 2024, gadchiroli lok sabha seat,
विजय वडेट्टीवार यांच्या भाजप प्रवेशावर धर्मरावबाबा आत्राम उद्या करणार मोठा खुलासा?
bombay high court nitesh rane speech examine
मीरा-भाईंदर हिंसाचार प्रकरण : नितेश राणेंसह दोन भाजपा नेत्यांची भाषणं तपासण्याचे कोर्टाचे आदेश
arvind kejriwal
‘आप’चे अस्तित्व संपविण्याचा प्रयत्न; केजरीवाल यांच्या सुटकेच्या याचिकेवरील सुनावणी दरम्यान वकिलाचा दावा

हेही वाचा – अदानींच्या कोळसा खाणीला लगेच मंजुरी, पण नागपूर-नागभीड रेल्वे प्रकल्पाकडे सरकारचे दुर्लक्ष!

ॲड. मिर्झा म्हणाले, सर्वोच्च न्यायालयाने शिवसेनेचे (शिंदे गट) भरत गोगावले यांना मुख्य प्रतोद म्हणून बेकायदेशीर ठरवले. एकनाथ शिंदे यांची पुन्हा गट नेतेपदी निवड देखील चुकीची असल्याचे म्हटले. शिवाय निवडणूक आयोगाने राजकीय पक्ष कोणाचा याबाबत दिलेला निर्णय ग्राह्य न धरण्याचे आणि आमदार अपात्रतेबाबत निकाल देण्याचे निर्देश दिले होते. नार्वेकर यांना विधिमंडळ पक्षातील फुटीबाबत निर्णय द्यायचा होता. फुटीर आमदारांना एखाद्या पक्षात सामील होणे किंवा अपात्र ठरणे एवढाच पर्याय होता. परंतु नार्वेकर यांनी सर्वोच्च न्यायालयाच्या दिशानिर्देशाचे पालन केले नाही आणि ठाकरे गट आणि शिंदे गट यापैकी कोणालाही अपात्र ठरवले नाही.

जनता यावर गप्प राहिल्यास अशाप्रकारचे बेकायदेशीर निर्णय भविष्यातही दिले जातील. कायदे कितीही चांगले असले तरी पहाटेचे शपथविधी होत राहतील. तेव्हा जनतेने अधिक सजग राहून संविधानाची नैतिकता, लोकशाही मूल्य टिकवणाऱ्या लोकांना मतदान करावे, असे आवाहन त्यांनी केले.

हेही वाचा – VIDEO : “जागो तो हिंदू जागो तो… एक बार जागो… जागो जागो तो…”; देवेंद्र फडणवीस यांनी गायले जोशपूर्ण गीत

लोकसत्ताचे निवासी संपादक देवेंद्र गावंडे म्हणाले, जनसामान्यांमध्ये लोकशाही मूल्ये रुजलेली नाहीत. लोकांना केवळ मतदान करणे एवढेच लोकशाही वाटते. आपल्या राजकीय भावना पाषाणाच्या झाल्या आहेत. त्यामुळेच घाऊक पक्षांतराचा निर्लज्जपणा राजकीय नेते करतात.

वरिष्ठ पत्रकार विवेक देशपांडे म्हणाले, भाजपने वाईट राजकीय संस्कृती रुजवली आहे. पक्षातून पळून जातो, त्याचा खरा पक्ष ठरतो आहे. कायद्याचा धाक सरकारला राहिलेला नाही.

प्रदेश कांग्रेसचे मुख्य प्रवक्ता अतुल लोंढे म्हणाले, नार्वेकर यांनी आमदार अपात्रतेसंदर्भात दिलेला निर्णय राजकीय होता. शिवसेना संपवण्याचा कटाचा तो एक भाग आहे.