अकोला: दीरासोबत जुळले सूत, पत्नीने पतीलाच…

अकोला: मावस दीरासोबत प्रेमसंबंध जुळल्याने पत्नीने पतीची गळा आवळून हत्या केल्याची धक्कादायक आणि संतापजनक घटना शहरातील खडकी परिसरात घडली. घटनेच्या तब्बल २५ दिवसानंतर हा धक्कादायक प्रकार उघडकीस आला आहे. शहरातील खडकी परिसरातील म्हाडा वसाहतीतील रहिवासी आकाश इंदोरे यांना त्याच्या पत्नीने २० नोव्हेंबरला प्रकृतीत बिघाड झाल्याने शासकीय रुग्णालयात दाखल केले. डॉक्टरांनी तपासणी करून त्याला मृत घोषित केले. याप्रकरणी खदान पोलिसांनी आकस्मिक मृत्यूची नोंद करून तपास सुरू केला. पतीला दारूचे व्यसन होते. त्याला नेहमी रक्ताच्या उलट्या होत होत्या. मृत्यूच्या पंधरा दिवसापूर्वी त्याला रक्ताच्या उलट्या झाल्या होत्या, असा बनाव पत्नीने केला. पोलिसांना हत्येचा संशय आला.