नाशिक: मालवाहतूक वाहन आगीत खाक | A cargo vehicle caught fire nashik news amy 95

उन्हाळा नसतानाही जिल्ह्यात वाहनांना अचानक आग लागण्याच्या घटना घडत आहेत. मंगळवारी सकाळी सातच्या सुमारास सिन्नर-घोटी मार्गावर घोरवड घाटात मालवाहतूक वाहनाला अचानक आग लागली.

मालवाहतूक वाहन आगीत खाक

उन्हाळा नसतानाही जिल्ह्यात वाहनांना अचानक आग लागण्याच्या घटना घडत आहेत. मंगळवारी सकाळी सातच्या सुमारास सिन्नर-घोटी मार्गावर घोरवड घाटात मालवाहतूक वाहनाला अचानक आग लागली. या आगीत वाहन खाक झाले.मालवाहतूक वाहन घोटीहून सिन्नरकडे जात होते. घोरवड घाट परिसरात वाहनाने पेट घेतला. हा प्रकार चालकाच्या लक्षात येताच त्याने वाहनातून उडी घेतली.

हेही वाचा >>>जळगावातील रस्त्यांसाठी २०० कोटींचा निधी; मुंबईतील बैठकीत निर्णय

This quiz is AI-generated and for edutainment purposes only.

वाहनात प्लास्टिक पिशव्या आणि भंगार असल्याने आग लगेच फैलावली. काही कळण्याच्या आत वाहन खाक झाले. या घटनेची माहिती अग्निशमन विभागाला मिळाल्यावर सिन्नर नगरपरिषदेचा बंब घटनास्थळी दाखल झाला. अग्निनशमन कर्मचाऱ्यांनी आग नियंत्रणात आणेपर्यंत वाहनातील संपूर्ण माल बेचिराख झाला होता.मालवाहतूक वाहनाला लागलेल्या आगीमुळे परिसरात काही काळ वाहतूक कोंडी झाली. आगग्रस्त वाहन बाजूला करुन रस्ता वाहतुकीसाठी मोकळा करण्यात आला.

First published on: 10-01-2023 at 18:12 IST

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: A cargo vehicle caught fire nashik news amy