नाशिक – अंबड परिसरातील माणिक नगर येथील अतिक्रमित प्रार्थनास्थळ पोलिसांनी दबावामुळे पाडल्याचा आरोप करुन मारहाण करणाऱ्या उपनिरीक्षकाच्या बदलीसाठी नागरिकांनी मंगळवारी अंबड पोलीस ठाण्यात ठाण मांडले. पोलिसांनी सर्व आरोप फेटाळून या संपूर्ण प्रकरणाची चौकशी केली जाईल, असे आश्वासन दिले.

सोमवारी दुपारी साडेबारा ते एक या वेळेत अंबड पोलीस ठाण्यात आलेल्या तक्रारीवरून माणिक नगर येथील भाजी मार्केट परिसरात पोलीस पोहोचले. त्याठिकाणी रहिवाशांनी बांधलेले प्रार्थनास्थळ काही नागरिकांनी दबाव आणून पोलिसांना पाडण्यास भाग पाडल्याचा इतरांचा आरोप आहे. पोलीस अधिकाऱ्यांनी मारहाण केल्याचा आरोपही नागरिकांनी केला आहे. परिसरातील नागरिकांनी मंगळवारी अंबड पोलीस ठाण्यावर मोर्चा काढून संबंधित अधिकाऱ्यास निलंबित करण्याची मागणी केली. अंबड पोलीस निरीक्षक दिलीप ठाकूर यांच्या मार्गदर्शनाखाली पोलिसांनी मोर्चेकऱ्यांना समजावण्याचा प्रयत्न केला. परंतु, नागरिकांनी निलंबनाची मागणी लावून धरली. पोलीस बंदोबस्तात वाढ करण्यात आली आहे.

stealing liquor, liquor Kalyan,
कल्याण : महागड्या मद्याच्या बाटल्यांवर चोरट्यांचा डल्ला, माल चोरून ढाब्यांना विक्री
A youth from Nalasopara committed suicide by consuming poison due to cyber fraud
सायबर भामट्यांनी घातला २ लाखांचा गंडा; वडील रागावतील म्हणून मुलाची आत्महत्या
orange cargo truck overturned at Buldhana
ट्रक उलटला; मात्र लोकांची झाली चंगळ! ग्रामस्थांनी पोते भरून…
A layer of Water Hyacinth due to pollution in the river saved the life of a young woman who committed suicide
तरुणीने आत्महत्या केली, पण जलपर्णीने वाचवले; ग्रामस्थांनी वेळेत मदत केल्याने तरुणी सुखरूप

हेही वाचा – नाशिक : महामार्गावर लुटमार करणारे तीन सराईत ताब्यात

हेही वाचा – नाशिक : अटल दिव्यांग भवनचे पुन्हा उद्घाटन करण्याचा आग्रह, ‘प्रहार अपंग क्रांती’कडून मनपाचा निषेध

दरम्यान, अंबड पोलीस ठाण्याचे वरिष्ठ निरीक्षक दिलीप ठाकूर यांनी भूमिका मांडली. भाजीपाला विकण्याच्या ठिकाणी ओट्यावर काही महिला या प्रार्थनास्थळ तयार करण्याचा प्रयत्न करत होत्या. इतर व्यावसायिकांनी त्यास विरोध करण्याचा प्रयत्न केला. महापालिका अधिकाऱ्यांनी काढून टाकण्यास सांगितल्याने ते अतिक्रमण हटवण्यात आले. पोलीस अधिकाऱ्याने मारहाण केल्याचे आरोप आहेत. परंतु, त्यासंदर्भात, सोमवारी कोणीही तक्रार केली नाही. त्या ठिकाणी १० ते १५ कर्मचारी होते. नागरिकांच्या तक्रारींनुसार घडलेल्या प्रकाराची शहानिशा केली जाईल, असे ठाकूर यांनी नमूद केले.