निम्म्या नाशिकमध्ये बुधवारी पुन्हा पाणी बंद

शिवाजीनगर जलशुद्धीकरण केंद्रातील विविध कामे, अमृतमणी जलकुंभ भरणाऱ्या मुख्य जलवाहिनीची दुरुस्ती, अन्य एका जलवाहिनीची दुरुस्ती ही कामे बुधवारी केली जाणार असल्याने सातपूर, नाशिक पश्चिम आणि सिडकोतील जवळपास १२ प्रभागातील पाणी पुरवठा बंद ठेवला जाणार आहे.

निम्म्या नाशिकमध्ये बुधवारी पुन्हा पाणी बंद (image - pixabay/representational image)

नाशिक – शिवाजीनगर जलशुद्धीकरण केंद्रातील विविध कामे, अमृतमणी जलकुंभ भरणाऱ्या मुख्य जलवाहिनीची दुरुस्ती, अन्य एका जलवाहिनीची दुरुस्ती ही कामे बुधवारी केली जाणार असल्याने सातपूर, नाशिक पश्चिम आणि सिडकोतील जवळपास १२ प्रभागातील पाणी पुरवठा बंद ठेवला जाणार आहे. गुरुवारी सकाळी या भागात कमी दाबाने पाणी पुरवठा होईल. एक, दीड महिन्यापासून महानगरपालिका वेगवेगळ्या भागात दुरुस्ती व तत्सम कारणांनी पाणी पुरवठा बंद ठेवत आहे. लोकसभा निवडणुकीच्या पार्श्वभूमीवर, थेट पाणी कपात न करता या माध्यमातून ती अप्रत्यक्षपणे केली जात असल्याची साशंकता नागरिकांकडून व्यक्त होत आहे.

याबाबतची माहिती महानगरपालिकेच्या पाणी पुरवठा विभागाने दिली आहे. सातपूर विभागात पाणी पुरवठा विभागाशी संबंधित विविध स्वरुपाची कामे तातडीने करणे आवश्यक झाले आहे. त्यामुळे बुधवारी पाणी पुरवठा बंद ठेवणे क्रमप्राप्त आहे. दुरुस्ती कामांमुळे सातपूर विभागातील सर्व प्रभागात पाणी पुरवठा बंद राहील. यात प्रभाग क्रमांक आठ, नऊ, १०, ११, २६ आणि २७ मधील चुंचाळे, दत्तनगर, माऊली चौक परिसराचा समावेश आहे. नाशिक पश्चिम विभागातील प्रभाग क्रमांक सातमधील नहुष सोसायटी परिसर, पूर्णवादनगर, दादोजी कोंडदेवनगर, अरिहंत नर्सिंग होम, आकाशवाणी केंद्र परिसर, तिरुपती टाऊन, सहदेवनगर, सुयोजित गार्डन, आयचितनगर, गीतांजली सोसायटी, पंपिंग स्टेशन, शांती निकेतन व परिसर,
प्रभाग १२ मधील महात्मानगर जलकुंभ परिसर, पारिजातनगर, समर्थनगर कामगारनगर, सुयोजित गार्डन, वनविहार कॉलनी, उत्कर्ष कॉलनी, लव्हाटेनगर, पत्रकार कॉलनी, महाराष्ट्र पोलीस प्रबोधिनी, संभाजी चौक, उषाकिरण सोसायटी, क्रांतीनगर, श्रीमंडळ जलकुंभ परिसर, तिडके कॉलनी, राहुलनगर, मिलिंदनगर, कुटे मार्ग, चांडक सर्कल, तुपसाखरे लॉन्स, मातोश्री नगर, सहवासनगर, कालिकानगर, गडकरी चौक, गायकवाड नगर परिसर आणि सिडकोतील प्रभाग २५ मधील इंद्रनगरी, कामठवाडा, धन्वंतरी रुग्णालय महाविद्यालय, महालक्ष्मीनगर, दत्तनगर, मटालेनगर, प्रभाग २६ मधील शिवशक्ती नगर, आयटीआय पुलाजवळील परिसर, बॉम्बे टेलर परिसर, प्रभाग २७ मधील चुंचाळे घरकुल योजना, दातीर मळा, अलीबाबानगर, अंबड मळे परिसर आणि प्रभाग २८ मधील खुटवडनगर, माऊली लॉन्स, वावरेनगर, अंबड गाव, महालक्ष्मी नगर या परिसराचा समावेश आहे.

आणखी वाचा

Multi-candidate contests on most seats in Nashik 196 candidates in 15 constituencies

नाशिकमध्ये बहुसंख्य जागांवर बहुरंगी लढती; १५ मतदारसंघात १९६ उमेदवार

Madhurima Raje : सतेज पाटील ज्यांच्यामुळे ढसाढसा रडले…

Election Commission, maharashtra Director General of Police, Rashmi Shukla

विश्लेषण : पोलीस महासंचालक रश्मी शुक्ला यांना अखेर निवडणूक आयोगाने का हटविले?

Bangladesh Power Supply Alert : अदानी पॉवरचा बांगलादेशला वीज खंडित करण्याचा इशारा; मोहम्मद युनूस सरकार थकीत वीज बिल भरणार?

Seaweed imports What is the use of the element What is the benefit of this decision of the central government

चक्क समुद्र शैवालाची आयात? या घटकाचा उपयोग काय? केंद्र सरकारच्या या निर्णयाचा किती फायदा?

Pune air, bad air, Pune air at hazardous levels

पुण्याची हवा धोकादायक पातळीवर, बिघडलेल्या हवेचे परिणाम काय?

Winter News: नोव्हेंबरमध्ये अपेक्षित थंडी नाहीच; मध्य, दक्षिण भारतात जोरदार पावसाचा अंदाज

सीमा भागात काळा दिन; बेळगावात फेरीला प्रतिसाद

हेही वाचा – वंचितच्या भूमिकेने औरंगाबादमध्ये ठाकरे गटात चलबिचल

हेही वाचा – विश्लेषण : वनखात्यातील अधिकारी दीपाली चव्हाण आत्महत्या प्रकरण काय आहे? वनखात्याची भूमिका वादग्रस्त कशी?

हेही वाचा – विश्लेषण : मराठा मतपेढी मराठवाड्यात किती प्रभावी? जरांगेंमुळे मतदानाची समीकरणे बदलतील?

उपरोक्त भागात बुधवारी सकाळी नऊनंतर पाणी पुरवठा होणार नाही. गुरुवारी सकाळचा पाणी पुरवठा कमी दाबाने होईल. नागरिकांनी याची नोंद घेऊन सहकार्य करावे, असे आवाहन पाणी पुरवठा विभागाने केले आहे.

First published on: 25-03-2024 at 10:49 IST

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Half of nashik again shut off water on wednesday ssb