पोषण आहार कर्मचाऱ्यांचा शिक्षण मंत्र्यांच्या कार्यालयावर मोर्चा

मालेगाव : शालेय पोषण आहार शिजवणाऱ्या महिलांनी मानधन वाढीसह विविध मागण्यांसाठी रविवारी शिक्षणमंत्री दादा भुसे यांच्या येथील संपर्क कार्यालयावर मोर्चा काढला. मागण्यांविषयी शासन सकारात्मक असल्याचे आश्वासन भुसे यांनी दिले.मानधनवाढ, विमा संरक्षण, कायमस्वरूपी नोकरी, वर्षाला दोन साड्या देण्यात याव्यात, आदी मागण्यांसाठी शालेय पोषण आहार शिजवणाऱ्या महिलांचा काही दिवसांपासून शासन दरबारी लढा सुरू आहे. त्याअंतर्गत आधारवड महिला बहुउद्देशीय सेवाभावी संस्था, आयटक आणि श्रमिक कामगार संघटना यांच्यावतीने मोर्चा काढण्यात आला.