Nashik Kumbh Mela : गोदावरी काठावरील नाशिकमध्ये दर १२ वर्षांनी होणाऱ्या सिंहस्थ कुंभमेळ्यात देशभरातील लाखो साधू-महंतांच्या निवासासाठी साधुग्राम नगरी वसविण्यात येणार आहे. त्यासाठी कायमस्वरूपी जागा अधिग्रहित करण्याची तयारी शासनाने केली आहे.

नाशिकमध्ये २०२७मध्ये सिंहस्थ कुंभमेळा होत आहे. त्या दृष्टीने सुमारे ४०० एकर क्षेत्रावर हे साधुग्राम उभारण्याचा प्रस्ताव असून त्यासाठी तपोवन परिसरातील सुमारे ३१८ एकर जागा निश्चित करण्यात आली आहे. हा परिसर ना विकास क्षेत्र असल्याने यातील ५४ एकर जागा महापालिकेने कायमस्वरूपी संपादित केली आहे. उर्वरित २६४ एकर जमीन शेतकऱ्यांकडून अधिग्रहित केली जाणार आहे. ही जमीन केवळ कुंभमेळ्याच्या एक वर्षासाठी शेतकऱ्यांकडून भाडेतत्त्वावर घेतली जाते. तीच जागा हस्तांतरणीय विकास हक्काच्या (टीडीआर) मोबदल्यात अधिग्रहित करण्यात येणार आहे. मुख्यमंत्री देवेंद्र फडणवीस यांच्या अध्यक्षतेखाली नुकत्याच झालेल्या बैठकीत या संदर्भात निर्देश देण्यात आले.

mhada announces lottery for 493 nashik mandal houses applications accepted until march 7
म्हाडा नाशिक मंडळाच्या ४९३ घरांच्या अर्जविक्री-स्वीकृतीस सुरुवात, ७ मार्चपर्यंत अनामत रक्कमेसह अर्ज सादर करता येणार
pandit hridaynath Mangeshkar
हृदयनाथ मंगेशकर आकाशवाणीच्या नोकरीत खरंच होते का? कधी?
Valentine Special Lava Cake Recipe in Marathi
१४ फेब्रुवारीला द्या तुमच्या जोडीदाराला सरप्राईज, ‘व्हॅलेंटाईन स्पेशल लाव्हा केक’ बनवा घरच्या घरी
nashik Crowd management preparations for Kumbh Mela are based on Ramani Commissions reports
नाशिकच्या कुंभमेळ्यातील गर्दी व्यवस्थापनासाठी रमणी अहवालाचा आधार
ladki bahin yojana
नाशिक: बँकेतील रांगेमुळे गरोदर महिलेचा मृत्यू
nashik police intervention in dispute
नाशिक : सिडकोत प्रार्थनास्थळावरील वादात पोलिसांची मध्यस्थी
नाशिक : पवननगरमध्ये जेसीबीच्या धक्क्याने गॅस गळती ( छायाचित्र - लोकसत्ता टीम )
नाशिक : पवननगरमध्ये जेसीबीच्या धक्क्याने गॅस गळती
Maghi ganesh chaturthi 2025 wishes messages quotes sms whatsapp facebook status in marathi
Maghi Ganesh Jayanti Wishes : माघी गणेश जयंतीनिमित्त प्रियजनांना WhatsApp, Instagram, Facebook वर पाठवा खास शुभेच्छा अन् Greeting cards; पाहा यादी

हेही वाचा : कुंभमेळ्यासाठी १४ हजार कोटींचा आराखडा आज सादर; मुख्यमंत्र्यांच्या अध्यक्षतेखाली पहिली बैठक

कुंभमेळ्यात वर्षभरासाठी साधू-महंतांच्या निवासाकरिता तात्पुरते गाव साकारले जाते. यापूर्वी २०१५-१६मधील सिंहस्थाच्या वेळी ३२३ एकर क्षेत्रात साधुग्राम उभारण्यात आले होते. त्या वेळी तिथे तीन लाख साधू-महंत वास्तव्यास होते. आगामी कुंभमेळ्यात वैष्णवपंथीय तीन आखाडे आणि ११०० खालसा असे सुमारे चार लाख साधू-महंत वास्तव्यास राहण्याचा अंदाज आहे. त्र्यंबकेश्वरच्या शैवपंथीय आखाड्यांकडे स्वत:ची जागा आहे. नाशिकच्या प्रस्तावित साधुग्राममध्ये २३८६ भूखंड असतील. तेथे अंतर्गत रस्ते, तात्पुरते शौचालय, न्हाणीघर बांधणी, जलवाहिनी, विद्याुतीकरण, पोलीस चौकी, दवाखाने आदी कामे करण्यात येतील.

हेही वाचा : पाणी नियोजन बैठकीत अनुपस्थित अधिकाऱ्यांना नोटीस

रखडलेला प्रश्न मार्गी लागणार

साधुग्रामसाठी निश्चित जागेतील सुमारे पावणेतीनशे एकर जागा वर्षभरासाठी भाडेतत्त्वावर घेतली जाते. यंदा शेतकऱ्यांना मोबदला देण्यात येऊन जागा अधिग्रहणाचा रखडलेला प्रश्न मार्गी लावला जाणार असल्याचे कुंभमेळामंत्री गिरीश महाजन यांनी येथे स्पष्ट केले. कुंभमेळ्याचा कालावधी वगळता उर्वरित ११ वर्षे या जागेचा कसा वापर करता येईल, यावर महापालिका विचार करत आहे.

Story img Loader