नाशिकमध्ये सहाशेपेक्षा अधिक टवाळखोरांवर कारवाई

किरकोळ कारणावरून रस्त्यावर भांडणाऱ्यांची संख्या कमी नाही. यातून मारामारी, हत्या असे प्रकार घडतात. या पार्श्वभूमीवर पोलीस आयुक्तांच्या आदेशानुसार तपासणी मोहीम राबविण्यात येत आहे. परिमंडळ एक अंतर्गत सार्वजनिक ठिकाणी हुल्लडबाजी करणारे, शांतता धोक्यात येईल अशी वर्तणुक असणाऱ्या ३४० तसेच परिमंडळ दोन अंतर्गत ३४२ जणांवर कारवाई करण्यात आली.

आयुक्तालय हद्दीत ६८२ टवाळखोरांवर कारवाई झाली. यापुढेही अशी कारवाई सुरू राहणार असून संशयित वाहने आणि सार्वजनिक ठिकाणी गोंधळ घालणाऱ्या टवाळखोरांवर कारवाई करण्यात येईल, असा इशारा आयुक्त कर्णिक यांनी दिला आहे.