scorecardresearch

Premium

वारांगनांकडे पाहण्याचा दृष्टीकोन बदलण्याची गरज, राष्ट्रीय परिसंवादातील सूर

देहविक्री करणाऱ्या महिलांच्या समस्या, अडचणी समजून घेत त्यांची मुले समाजाच्या मुख्य प्रवाहात कसे राहतील, यासाठी शासकीय आस्थापना, सामाजिक संस्था यांच्या सहकार्याने काम होणे गरजेचे आहे.

Need to change attitude towards prostitute
राष्ट्रीय महिला आयोग आणि प्रवरा अभिमत विद्यापीठ यांच्या वतीने राष्ट्रीय परिसंवादाचे आयोजन करण्यात आले होते. (फोटो- लोकसत्ता टीम)

लोकसत्ता प्रतिनिधी

नाशिक : देहविक्री करणाऱ्या महिलांच्या समस्या, अडचणी समजून घेत त्यांची मुले समाजाच्या मुख्य प्रवाहात कसे राहतील, यासाठी शासकीय आस्थापना, सामाजिक संस्था यांच्या सहकार्याने काम होणे गरजेचे आहे. यासाठी या महिलांकडे पाहण्याचा दृष्टीकोन समाजाने बदलावा, असा सूर देहविक्री करणाऱ्या महिला आणि त्यांची मुले- प्रश्न आणि आव्हाने या विषयावर येथे आयोजित राष्ट्रीय परिसंवादातून निघाला.

good touch bad touch
मुलेही ‘गुडटच-बॅडटच’चे शिकार! सामाजिक कार्यकर्त्या दिशा पिंकी शेख म्हणतात, घराचा वंश पुढे चालवू शकत नसल्याने…
AJIT PAWAR AND BUDGET
सौर कृषीपंप ते कृषी महाविद्यालयास मान्यता, अंतरिम अर्थसंकल्पात शेतकऱ्यांसाठी नेमकं काय? वाचा…
unique information, exhibition hall, State Excise Department
१८३९ नंतर मद्यपान करण्यासाठी १८ वर्षे वयोमर्यादा जगभरात लागू! नव्या राज्य उत्पादन शुल्क भवनातील खास दालनातील माहिती
uddhav thackeray shiv sena protest against zilla parishad officers for dancing on zingaat song
सांगली: जिल्हा परिषद अधिकाऱ्यांचे झिंगाट नृत्यावर शिवसेनेचा आक्षेप, कारवाई करण्याची मागणी

राष्ट्रीय महिला आयोग आणि प्रवरा अभिमत विद्यापीठ यांच्या वतीने राष्ट्रीय परिसंवादाचे आयोजन करण्यात आले होते. परिसंवादाचे उद्घाटन प्रवरा अभिमत विद्यापीठाचे कुलगुरू डॉ. व्ही. एन. मगरे यांच्या हस्ते झाले. यावेळी दिवाणी न्यायाधीश (वरिष्ठ स्तर) शिवाजी इंदलकर, गटविकास अधिकारी सोनिया नाकाडे, आसावरी देशपांडे व अन्य पदाधिकारी उपस्थित होते. उद्घाटन सत्रात डॉ. मगरे यांनी विद्यापीठाची भूमिका मांडली. देहविक्री करणाऱ्या महिलांसमोरील अडचणी, त्यांच्या मुलांचे प्रश्न याकडे लक्ष वेधले. या प्रश्नांची सोडवणूक होण्यासाठी वेगवेगळ्या शासकीय आस्थापनांनी एकत्र येऊन काम करावे, अशी सूचना त्यांनी केली. न्या. इंदलकर यांनी प्रभावित महिलांना कायदेशीर मदत लागल्यास न्यायालयात कार्यालयीन वेळेत कधीही या. असे आश्वासन दिले. नाकाडे यांनी महिलांना कुठल्याही आस्थापनां विषयी काही अडचण असेल, योजनेचा लाभ घेण्यासाठी अडचण येत असेल तर संपर्क करा, असे आवाहन केले.

आणखी वाचा-धुळ्यात बनावट कागदपत्रांच्या आधारे भूखंड बळकावणारी टोळी; दोघांना अटक, आठ जणांविरुध्द गुन्हा

उद्घाटन सत्रानंतर सहेली संघाच्या तेजस्वी सेवेकरी यांनी देहविक्री करणाऱ्या महिला, त्यांचे अधिकार आणि अडचणी या विषयावर, मत मांडताना कायद्यातील वेगवेगळ्या कमतरतेवर बोट ठेवले. न्यायालयाने व्यवसाय म्हणून मान्य केले असले तरी हे काम करणाऱ्या महिलांकडे पाहण्याचा समाजाचा दृष्टीकोन आजही दुषित आहे. या महिलांचे प्रश्न सोडवण्यासाठी पोलीस, महिला बालविकास विभाग आणि अन्य आस्थापनांनी एकत्र येण्याचे आवाहन केले. संतोष शिंदे यांनी बाल हक्कांविषयी माहिती दिली. डॉ. आनंद पाटील यांनी संबंधित महिलांचे मानसिक आरोग्य, त्यांना व्यवसायामुळे जडणारे आजार, याकडे लक्ष वेधले. राहुल जाधव यांनी संबंधित महिलांच्या मुलांचे भावविश्व, त्यांची होणारी फरफट, त्यांची ओळख याविषयी भाष्य केले. बाल कल्याण मंडळाच्या डॉ. शोभा पवार यांनी बालकांचे हक्क व त्यांचे प्रश्न याविषयी माहिती दिली. देहविक्री करणाऱ्या महिलांच्या बालकांचे प्रश्न याविषयी प्राचार्य विलास देशमुख, ॲड.. रवींद्र निकम, महिला बाल विकास विभागाचे आयुक्त चंद्रशेखर पगारे यांनीही चर्चेत सहभाग घेतला.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Need to change attitude towards prostitute thoughts in prostitute and their children questions and challenges seminar mrj

First published on: 08-12-2023 at 15:50 IST

आजचा ई-पेपर : नाशिक

वाचा
epaper image

संबंधित बातम्या

तुम्ही या बातम्या वाचल्या आहेत का? ×