scorecardresearch

Premium

जालना घटनेच्या निषेधार्थ नाशिकमध्ये आंदोलन

आंदोलनकर्त्यांनी शिवाजी महाराज पुतळ्यानंतर मेहेर सिग्नल परिसरात मोर्चा वळविला.

Maratha Kranti Morcha Sambhaji Brigade protest Jalna incident front Shivaji statue nashik
नाशिक येथील मेहेर सिग्नल येथे आंदोलकांना ताब्यात घेताना पोलीस (छायाचित्र- लोकसत्ता टीम)

लोकसत्ता प्रतिनिधी

नाशिक: जालना येथे मराठा समाजाच्या आंदोलकांवर पोलिसांनी केलेल्या लाठीमारचा सर्व स्तरातून निषेध नोंदविला जात असतांना मराठा संघटनांसह राजकीय पक्षही आक्रमक झाले आहेत. शहर परिसरात ठिकठिकाणी पोलिसांच्या लाठीमाराचा निषेध व्यक्त करत आंदोलन करण्यात आले.

sudhir manguttiwar
छत्रपतींच्या मावळ्यांचा ‘दांडपट्टा’ राज्यशस्त्र म्हणून घोषित; सुधीर मुनगंटीवार यांची आग्रा किल्ल्यावरून घोषणा
Hasan Mushrif
पन्हाळागडावर शिवाजी महाराज यांचा पूर्णाकृती पुतळा उभारणार, हसन मुश्रीफ यांची घोषणा; कागलमध्ये भव्य मिरवणूक
case registered against three including junior engineer of mahavitaran for accepting 50 thousand bribe
५० हजारांची लाच; महावितरणच्या कनिष्ठ अभियंत्यासह तिघांवर गुन्हा
Cases registered against BJP workers for Slogans in support of MLA Gaikwad in Ulhasnagar
उल्हासनगरमध्ये भाजप कार्यकर्त्यांवर गुन्हे दाखल, न्यायालय परिसरात आमदार गायकवाड यांच्या समर्थनार्थ घोषणाबाजी

मराठा क्रांती मोर्चा आणि संभाजी बिग्रेडच्या वतीने मध्यवर्ती बस स्थानकाजवळ शिवाजी पुतळ्यासमोर आंदोलन केले. सरकार विरोधात जोरदार घोषणाबाजी करण्यात आली. आंदोलनकर्त्यांनी शिवाजी महाराज पुतळ्यानंतर मेहेर सिग्नल परिसरात मोर्चा वळविला. या ठिकाणी मोर्चेकऱ्यांनी टायर जाळण्याचा प्रयत्न केला.

हेही वाचा… Jalna Lathi Charge: जालन्यात लाठीमाराचा आदेश कोणी दिला; रोहित पवार यांचा प्रश्न

पोलिसांनी आंदोलनकर्त्यांकडून टायर जप्त केले. पोलिसांनी आंदोलकांना ताब्यात घेतले. या गोंधळामुळे परिसरात वाहतूक कोंडी झाली. शाळेची सुट्टी झाल्याने विद्यार्थी घरी येण्यासाठी निघाले असतांना आंदोलनांमुळे त्यांचा खोळंबा झाला. मराठा आमदारांनी आरक्षणाचा आग्रह धरावा, तसेच जालन्यातील घटनेमुळे गृहमंत्री देवेंद्र फडणवीस यांनी राजीनामा द्यावा, अशी मागणी आंदोलकांकडून करण्यात आली.

हेही वाचा… सर्व अंगणवाड्यांना आता इमारत; १७ हजार पदांची भरती; पोषण माह राज्यस्तरीय अभियानाचे उदघाटन

नाशिकरोड येथील शिवाजी महाराज पुतळा चौक येथे महाविकास आघाडीच्या वतीने सरकार विरोधात घोषणा देण्यात आल्या. या वेळी शिवसेना उपनेते बबन घोलप यांच्या मार्गदर्शनाखाली आंदोलन सुरू असतांना टरबूज फोडण्यात आले. यावेळी माजी आमदार योगेश घोलप, राष्ट्रवादीचे अशोक पाटील, काँग्रेसचे दिनेश निकाळे आदी उपस्थित होते.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: On behalf of maratha kranti morcha and sambhaji brigade a protest for the jalna incident was held in front of the shivaji statue in nashik dvr

First published on: 02-09-2023 at 17:35 IST

आजचा ई-पेपर : नाशिक

वाचा
epaper image

संबंधित बातम्या

तुम्ही या बातम्या वाचल्या आहेत का? ×