नवी मुंबई: ऐरोली खाडी किनारी परदेशी पाहुण्यांचे आगमन; फ्लेमिंगो दाखल झाल्याने बोटींग सफर लवकरच सुरू होणार

हेही वाचा >>>एका रात्रीत १० वेळा दूरध्वनी करुन ‘तो’ पत्रकार पोलिसांची धावपळ उडवतोय; अखेर पोलिसांनी उचलले ‘हे’ पाऊल

नोव्हेंबरमध्ये फ्लेमिंगो पक्षाच्या आगमनाची चाहुल लागते. मात्र यंदा शहरात फ्लेमिंगो उशिराने दाखल झाले आहेत. गुजरातच्या कच्चमधून हजारो किमीचा प्रवास करून हे परदेशी पक्षी समुद्रकिनारी किंवा पाणथळ भागात येत असतात. तसेच नोव्हेंबर ते जास्तीत जास्त जून महिन्यापर्यत वास्तव्यास असतात. यावर्षी उशिरा आगमन होत आहे. ऐरोली खाडी किनारी फ्लेमिंगो पक्षांच्या आगमनाला सुरुवात झाली असून साधारणता ३०० ते ४०० फ्लेमिंगो खाडीकिनारी स्थलांतरित झाले आहेत. ऐरोली खाडी किनारी फ्लेमिंगो दाखल होण्यास सुरुवात झाली आहे. त्यामुळे लवकरच पर्यटकांना फ्लेमिंगो पाहण्यासाठी बोटिंग सुरू करण्यात येणार आहे अशी माहिती ऐरोली सागरी जैवविविधता केंद्र वनपरिक्षेत्र अधिकारी प्रशांत बहादूरे यांनी दिली आहे.