नवी मुंबई : सारसोळे इमारत दुर्घटना; पतीचा मृत्यू तर पत्नी अत्यवस्थ

नेरूळ येथे सेक्टर ६ येथील तुलसी भवन इमारतीत तिसऱ्या मजल्यावर लादी लावण्याचे काम सुरू होते. त्यादरम्यान बुधवारी रात्री ही घटना घडली होती. घटनेत तिसऱ्या मजल्याचा स्लॅब कोसळून दुसऱ्या त्यानंतर तिसऱ्या मजल्यावर कोसळल्याने दुर्दैवी घटना घडली आहे. यात २ जणांचा मृत्यू झाला असून दोघा जखमींपैकी शिंगाडे यांची पत्नी अत्यवस्थ अवस्थेत असून तिच्यावर उपचार सुरू आहेत. तर इतर चार जणांना आयुक्त राजेश नार्वेकर, मुख्य अभियंता संजय देसाई , प्रमुख बाबासाहेब राजळे यांनी व अग्निशमन दलाने तातडीने डेब्रिज हटवण्यात सुरुवात करत रूग्णालयात दाखल केले होते.

हेही वाचा : उरण येथील चिटफंड घोटाळ्यात पोलीसांचे हात ओले; नवी मुंबई पोलीस आयुक्तांची तीन पोलीस अधिकाऱ्यांवर निलंबनाची कारवाई

ही इमारत कालच रात्री खाली करण्यात आली असून इतर कुटुंबांना दर्शन दरबार या गुरुद्वारात तर काही कुटुंबांना नेरूळ सेक्टर ९ येथील अहिल्याबाई होळकर सभागृहात ठेवण्यात आले आहे. ही इमारत २३ वर्षापूर्वीची आहे. इमारतीत तिसऱ्या मजल्यावर दुरुस्तीचे व लादी बसवण्याचे काम आम्ही करत असतानाच ही घटना घडली असल्याची माहिती युनूस अली या कामगाराने दिली. ‘तुलशी भवन या इमारतीमधील काम सुरु असताना ही घटना घडली. पालिकेने आता आमची योग्य सोय करावी. मोठा आवाज झाल्याने कुटुंबासह धावत खाली आलो’, असे रहिवाशी वसंत मोरजे यांनी म्हटले आहे.

हेही वाचा : भूखंड घेताय? सावधानता बाळगा अन्यथा फसवणूक…

सासवड येथील २३ वर्षांची इमारत असून निकृष्ट कामामुळेच या इमारतीत तिसऱ्या मजल्यावर काम सुरू असतानाच स्लॅब कोसळल्यामुळे १२.५ टक्के लोखंडावर उभ्या असलेल्या नवी मुंबईतील हजारो इमारतीतील व शहरातील अति धोकादायक असलेल्या इमारतीतून नागरिकांचा जीव टांगणीला लागलेला असल्याचे चित्र पाहायला मिळत आहे.