शीव-पनवेल महामार्गावरील रोडपाली येथील धोकादायक पूल वाहतुकीस बंद

१९७० साली रोडपाली खाडी पुल बांधण्यात आला होता. सध्या हा पुल जिर्ण अवस्थेत असल्याने या पुलाची गणती धोकादायक पुलाच्या यादीत झाली. सार्वजनिक बांधकाम विभागाने साडेआठ मीटर रुंदीचा आणि ४१ मीटर लांबीचा हा पुल बांधण्याचे निश्चित केल्यानंतर त्या संदर्भात निविदा प्रक्रीया अंतिम टप्यात आहे. सूमारे २७ कोटी रुपये हा पुल बांधण्यासाठी खर्च सार्वजनिक बांधकाम विभाग करणार आहे. निविदा प्रक्रीया पुर्ण झाल्यावर वर्षभरात या पुलाचे काम पुर्ण होईल अशी माहिती सार्वजनिक बांधकाम विभागाच्या सूत्रांकडून मिळाली.