उरण : शुक्रवारी सकाळी ९ वाजता ऐनवेळी जेएनपीटी कामगार वसाहती नजीक एनएमएमटी बस नादुरुस्त झाली. त्यामुळे नोकरी व्यवसाय आणि शिक्षणासाठी नवी मुंबईत जाणाऱ्या प्रवाशांना नाहक त्रास सहन करावा लागला. ही बस रस्त्यात बंद पडल्याने उरण पनवेल मार्गावर वाहतूक कोंडी झाली होती. उरणमधील नागरिकांना प्रवासासाठी महत्त्वाची ठरत असलेल्या या बस सेवेमुळे जलद प्रवासाची व्यवस्था झाली आहे. मात्र सातत्याने बंद होणाऱ्या बसमुळे प्रवाशांकडून नाराजी व्यक्त केली जात आहे. नवी मुंबई महानगरपालिकेच्या एनएमएमटीच्या उरण मार्गावरील बस नादुरुस्त होण्याच्या घटनांत वाढ झाली आहे. नवी मुंबईत जाणाऱ्या प्रवाशांना आपला प्रवास अर्धवट सोडावा लागला. आशा घटना वारंवार घडत असल्याने प्रवाशांकडून नाराजी व्यक्त केली जात आहे. उरण ते नवी मुंबईतील मार्गावरील विद्यार्थी, महिला व चाकरमानी यांच्या प्रवासासाठी महत्त्वाच्या नवी मुंबई महानगरपालिकेच्या 'एनएमएमटी'च्या बस सातत्याने बंद पडू लागल्या आहेत. या बसेस ऐनवेळी रस्त्यात बंद होत असल्याने प्रवासी त्रस्त झाले आहेत. हेही वाचा - ऐरोलीत रविवारी वीज पुरवठा होणार नाही हेही वाचा - उरण : बोरी नाका परिसरातील भंगार गोदामाला आग यामध्ये भरपावसात इलेक्ट्रिक व आता साध्या बसही बंद पडण्याच्या घटनांत वाढ झाली आहे. नवी मुंबई महानगरपालिकेच्या एनएमएमटी सेवेच्या बसेस उरणपर्यंत येत आहेत. यातील अनेक बस या पावसामुळे बंद पडू लागल्याने येथील प्रवाशांना नाहक त्रास सहन करावा लागत आहे.
