उरणमध्ये डेंगू, मलेरियाच्या रुग्णात वाढ; घाण व बदलत्या वातावरणाचा परिणाम

उरण मध्ये उन्ह पावसाचे वातावरण निर्माण झाले आहे.त्यामुळे सखल भागात तसेच अडगळीच्या ठिकाणी पावसाचे पाणी साचून राहिल्याने डासाची उत्पत्ती होत आहे.त्यात रात्री अपरात्री सातत्याने विद्युत पुरवठा खंडीत होत असल्याने डासांचा रहिवाशांना त्रास होत आहे. उरण तालुक्यात  डेंगू व मलेरिया यांचे एकूण सहा रुग्ण आढळून आले आहेत.सध्या पावसाळ्यात ठिकठिकाणी आरोग्य विभागाच्या माध्यमातून फवारणी केली जात आहे.तरी स्थानिक ग्रामपंचायत तसेच रहिवाशांनी आप आपल्या परिसराची स्वच्छता करण्यासाठी पुढाकार घ्यावा व साथजन्य आजाराची लक्षणे आढळून आल्यास उपचार करून घ्यावेत आशा सूचना उरण तालुका आरोग्य अधिकारी डॉ.राजेंद्र इटकरे यांनी दिली आहे.