नवी मुंबई : एपीएमसीमध्ये दुकानदारांचा वाढीव जागेचा वापर

हेही वाचा >>>पावसामुळे अंजीरच्या हंगामाला उशिरा सुरुवात; एपीएमसीत दाखल होतेय अवघी एक गाडी

एपीएमसी माथाडी भवन येथील बाजारात आधीच पार्किंगची समस्या उद्भवत आहे. या परिसरातील रस्ता हा पाचही बाजाराला जोडला गेला आहे. त्यामुळे याठिकाणी नेहमीच वाहनांची वर्दळ असते. त्यामध्ये रस्त्यावर दोन ते तीन लेन अनधिकृत पार्किंगचा विळखा असतो. अशातच येथील व्यापारी दुकान धारक आपला बाजार वाढीव जागेत मांडून ठेवतात. याठिकाणी विद्युत रोषणाईचे सामान, किराणा बाजार, करकोळ बाजार, असे अनेक प्रकारचे दुकान आहेत. मात्र ही मंडळी त्यांचे सामान अधिक जागेत पसरवून ठेवून मार्जिनल जागेचा वापर करीत आहेत. रस्त्यालगत पार्किंग व फुटपाथाला लागून व्यापाऱ्यांचे बस्तान यामुळे पादचाऱ्यांना फुटपाथवरुन जाताना त्रास सहन करावा लागत आहे. तुर्भे विभाग कार्यालयाकडून कारवाईची पाठ फिरल्याचे निदर्शनास येत आहे. त्यामुळे याठिकाणी पून्हा मार्जिनल जागेचा वारेमाप वापर करण्यास सुरुवात झालेली आहे.