पनवेल बसआगारात सोनसाखळी चोरी

रोडपाली सेक्टर २० येथील समुद्धी हाईट्स या इमारतीमध्ये राहणा-या ४२ वर्षीय अभियंत्याने पनवेल शहर पोलिसांना दिलेल्या तक्रारीमध्ये ते शनिवारी सायंकाळी पावणेसात वाजण्याच्या सूमारास पनवेल बसआगाराच्या अलिबाग येथे जाण्यासाठी नेमलेल्या फलाटावर उभे होते. अलिबागला जाणारी बस आल्यावर इतर प्रवाशांप्रमाणे पिडीत अभियंता सुद्धा बस पकडण्यासाठी गर्दीत शिरले. बसमध्ये चढताना झालेल्या गोंधळामध्ये पुढील आणि मागील बाजूस धक्का देणा-या काही संशयीत प्रवाशांनी अभियंत्यांच्या गळ्यातील सोनसाखळी हिसकावली. या सोनसाखळीचे बाजारमुल्य ७० हजार रुपये होते.    
बसमधील गर्दीच्यावेळी प्रवाशांना चोरट्यांकडून लक्ष्य केले जात आहे. पोलीस आणि राज्य परिवहन महामंडळाने प्रवासी सूरक्षेसाठी तातडीने उपाययोजना करणे गरजेचे आहे. बस आगारात गर्दी टाळण्यासाठी नियोजन करावे आणि चोरांवर अंकुश राहण्यासाठी साध्या वेशातील पोलीसांचे गर्दीच्यावेळी बस आगारात नेमणूक करण्याची मागणी प्रवाशांकडून होत आहे.