तीन आसनी रिक्षातून प्रवास करत असताना एका महिलेच्या गळ्यातील साडेतीन लाख रुपये किमतीची सोनसाखळी दुचाकीवरील दुकलीने खेचून पोबारा केल्याची घटना रविवारी दुपारी पनवेल-उरण मार्गावर घडली. जुई-कामोठे गावात राहणाऱ्या चंद्रा कडू या आपल्या पती व मुलासोबत रिक्षातून बामणडोंगरी येथे लग्नसमांरभाला जात असताना ही घटना घडली. यशवंत कडू यांची स्वत:ची रिक्षा आहे. पळस्पे ते जेएनपीटी या मार्गावरील करंजाडे टोलनाक्यापासून काही अंतरावर हा प्रकार घडला. चंद्रा यांचे मंगळसूत्र तीन लाख ६५ हजार रुपये किमतीचे होते. साहाय्यक पोलीस निरीक्षक गजानन घाडगे हे टोलनाक्यावरील सीसीटीव्ही फूटेजवरून चोरांचा शोध घेत आहेत.
