परराज्यातील कांद्यामुळे राज्यातील कांद्याच्या दरात घसरण

हेही वाचा- मोरा- मुंबई जलसेवा तीन तास बंद राहणार; बंदरातील गाळामुळे प्रवाशांचा खोळंबा

एपीएमसी घाऊक बाजारात दोन आठवड्यापूर्वी कांद्याचे दर स्थिर होते . परंतु मागील आठवड्यात कांद्याच्या दरात सातत्याने वाढ होऊन ५ ते १० रुपयांची वाढ झाली. त्यामुळे बाजारातही कांदा ४० ते ४५ रुपयांवर गेला. मागील एक ते दोन महिन्यांत राज्यात परतीचा पाऊस मोठया प्रमाणात झाला . त्यामुळे साठवणूकीचा जुना कांदा मोठ्या प्रमाणावर खराब होत आहे. तर नवीन लाल कांद्याच्या हंगामालाही फटका बसला आहे . त्यामुळे बाजारात उच्चतम प्रतिचा कांदा कमी प्रमाणात दाखल होत आहे. उच्चतम प्रतीच्या कांद्याची दरवाढ होत होती. परंतु महाराष्ट्र राज्यात मध्य प्रदेश येथील कांद्याचे आवक होत आहे. त्याचबरोबर इतर राज्यातही मध्य प्रदेश मधील कांदा मोठ्या प्रमाणावर विक्री होत आहे . याचा परिणाम राज्यातील कांद्याच्या दरावर होऊ नये म्हणून नाशिक बाजारात कांद्याचे दर कमी करण्यात आल्याचे मत व्यापारी मनोहर तोतलानी यांनी व्यक्त केले आहे. सोमवारी एपीएमसी बाजारात एकूण दीडशे गाड्या दाखल झाल्या आहेत. मागणीच्या तुलनेत पुरवठा अधिक असल्याने दर गडगडले आहेत. मागील सोमवारी कांद्याला २५ ते ३५ रू दर होता तर या सोमवारी २० ते ३० रुपयांनी विक्री होत आहे. आठवडाभर अशी स्थिती राहील असे मत व्यापाऱ्यांमधून व्यक्त होत आहे. त्यानंतर पुन्हा कांद्याची दर वाढ होण्याची शक्यता ही वर्तविण्यात येत आहे.