पनवेल, खारघर उलव्याची पाणी चिंता मिटली, हेटवणे धरणातून पाण्याचा विसर्ग सुरू

रविवारी सकाळी ७ वाजेपर्यंत धरणाची पाण्याची पातळी ८३.३० मीटर इतकी नोंदवली गेली असून, सांडव्यावरून ०.२० मीटर खोलीने पाणी वहात आहे. सद्यस्थितीत विसर्गाचा वेग ९.४४ घन मीटर प्रति सेकंद (घमी/से) इतका आहे.

धरण क्षेत्रातील नागरिकांनी घाबरून जाण्याची गरज नाही, मात्र नदीकाठच्या भागातील नागरिकांनी सतर्क राहावे, असे आवाहन सिडको प्रशासनाने केले आहे. हवामान व पर्जन्यमान लक्षात घेऊन आवश्यक त्या उपाययोजना प्रशासन करत आहे. पेण व खालापूर तालुक्यातील काही गावांसह खारघर, उलवे यांसह पनवेल महापालिका क्षेत्रात हेटवणे धरणातून पाणी पुरवठा केला जातो.