security of women and residents of uran come to light after crime started increased ||उरणकरांची सुरक्षितता रामभरोसे?

मागील अनेक महिन्यांपासून शहर आणि परिसरातील सीसीटीव्ही बंद असल्याचे समोर आल्याने उरणमधील महिला आणि रहिवाशांची सुरक्षितता रामभरोसे असल्याचे चित्र आहे

Written by जगदीश तांडेल

नवी मुंबई

August 29, 2024 17:52 IST

CCTVs in uran area have off for several months

उरणमधील महिला आणि रहिवाशांची सुरक्षितता रामभरोसे (Representational Image/pixabay)

उरण : उरण-पनवेल या रहदारीच्या मार्गावर जुलैत झालेल्या हत्याकांडानंतर उरणकरांच्या सुरक्षिततेचा प्रश्न ऐरणीवर आला आहे. तर, मागील अनेक महिन्यांपासून शहर आणि परिसरातील सीसीटीव्ही बंद असल्याचे समोर आल्याने उरणमधील महिला आणि रहिवाशांची सुरक्षितता रामभरोसे असल्याचे चित्र आहे. याकडे उरण नगर परिषद व सुरक्षा यंत्रणेचेही दुर्लक्ष व दिरंगाई होताना दिसत आहे.

मुंबई आणि उरण तालुक्याला जोडणाऱ्या अटल सेतू आणि रेल्वे सेवेमुळे हे अंतर अवघ्या ३० ते ४० मिनिटांवर आले आहे. त्यातच, उरण तालुक्यातील वाढते व्यवसाय, कंटेनर यार्ड्स आणि बंदर यामुळे हजारो रहिवासी हे दररोज येजा करीत आहेत. यामुळे, उरण परिसरातील फ्लोटिंग पॉप्युलेशनची संख्या वाढली असून गेल्या काही महिन्यांपासून गुन्हेगारीमध्ये देखील वाढ झाली असून हत्या आणि चोरीच्या गुन्ह्यांमध्ये वाढ झाली आहे.

आणखी वाचा

Leopard Nate area, Ratnagiri, Leopard, loksatta news,

रत्नागिरी : नाटे परिसरात दिवसाढवळ्या बिबट्याची दहशत, विहिरीत पडलेल्या बिबट्याला बाहेर काढण्यात वन विभागाला यश

aarya jadhao missing in Bigg boss marathi reunion

Bigg Boss Marathi 5: सर्व एलिमिनेटेड सदस्यांची घरात…

heavy rain with lightning damage kharif crops along with grapes in sangli

सांगलीत विजेच्या कडकडाटासह जोरदार पाऊस; द्राक्षासोबत खरीप पिकांचे नुकसान

Deonar Pada cemetery, Deonar Pada cemetery lights,

मुंबई : देवनार पाडा स्मशानभूमी अंधारात, विजेचे दिवे बंद असल्याने नागरीकांना मनस्ताप

villagers protested against daighar garbage project

ठाण्यात पुन्हा कचराकोंडीची चिन्हे; डायघर प्रकल्पास ग्रामस्थांचा विरोध, देयके मिळत नसल्याने ठेकेदाराने रोखल्या घंटागाड्या

construction in natural drain in badlapur ignore by national green arbitration

बदलापुरातही नैसर्गिक नाल्यात बांधकाम; राष्ट्रीय हरित लवादाच्या भूमिकेनंतर बांधकामावर प्रश्नचिन्ह

seven women burnt by firecrackers during Ganpati immersion in umred

Video : फटाक्यामुळे ७ महिला भाजल्या, नागपुरातील उमरेडमध्ये गणपती विसर्जन मरवणुकीतील दुर्घटना

sandalwood stock worth rs 35 lakh seized in nashik

Sandalwood Stock Seized In Nashik : म्हसरुळ शिवारात ३५ लाखांचा चंदन साठा जप्त

हे ही वाचा…शिक्षक, मदतनीसांची चारित्र्य पडताळणी; नवी मुंबई महापालिकेच्या शाळांसाठी निर्णय

दरम्यान, उरण शहरातील बाजारपेठ ही तालुक्यातील व्यावसायिक आणि रहिवाशांसाठी मुख्य बाजारपेठ असल्याने दररोज हजारो रहिवासी हे बाजारहाटासाठी येत असतात. त्यातच, शहरातील मुख्य बाजारपेठ असलेल्या रस्त्यांवरील सीसीटीव्ही हे गेल्या अनेक महिन्यांपासून नादुरुस्त असल्याने ह्यह्णतिसरा डोळाह्णह्ण बंद झाला आहे.

तसेच, वर्षभरापूर्वी उरण शहर आणि परिसरात सुमारे ८५ सीसीटीव्ही लावण्याचा प्रस्ताव पोलिसांकडून देण्यात आला होता. तर, गेल्या महिनाभरापूर्वी उरण रेल्वे स्थानकानजीकच्या परिसरात एका तरुणीची निर्घृण हत्या करण्यात आल्याने संपूर्ण परिसरात भीतीचे वातावरण निर्माण झाले आहे.

हे ही वाचा…सिडकोचे खारघरचे घर २ कोटींना; पहिल्याच दिवशी १२०० इच्छुकांची नोंदणी

महिलांच्या सुरक्षिततेसाठी बाजारपेठेतील गर्दीच्या ठिकाणी आणि शहराचे प्रवेशद्वार असलेल्या चारफाटा येथे तसेच, उरण शहरातील शाळांच्या बाहेर फिरणाऱ्या रोडरोमियोंवर पोलिसांनी कारवाई करण्याची मागणी पालकांकडून करण्यात येत आहे. यामुळे, उरण शहरातील बाजारपेठ, बाग आणि रेल्वे स्थानक परिसरातील सीसीटीव्ही तातडीने सुरू करण्याची मागणी रहिवाशांकडून करण्यात आली आहे. उरणच्या शहरातील मोक्याच्या ठिकाणी उरण नगर परिषदेच्या वतीने सीसीटीव्ही बसविण्यात येणार असल्याची माहिती उरण नगर परिषदेचे मुख्याधिकारी समीर जाधव यांनी दिली.

सीसीटीव्ही बंद

उरण शहरातील बंद सीसीटीव्ही सुरू करून शहरातील हालचालीवर नियंत्रण ठेण्यासाठी कक्ष उभारण्यात येणार असून याची लवकरच अंमलबजावणी करण्यात येणार असून त्याची कार्यवाही सुरू आहे. – जितेंद्र मिसाळ, वरिष्ठ पोलीस निरीक्षक, उरण

Web Title: Security of women and residents of uran come to light after crime started increased sud 02