बीपीसीएल कंपनीने नोकरीचे आश्वासन न पाळल्याने भूमिपुत्र तरुणाचे आंदोलन

उरण : केंद्र सरकारच्या भारत पेट्रोलियम घरगुती गॅस भरणा (बीपीसीएल) प्रकल्पासाठी जमीन संपादन केलेल्या कुटुंबातील व्यक्तीला प्रकल्प सुरू होऊन ३० वर्षात नोकरी न मिळाल्याने भेंडखळ येथील भूमिपुत्र तरुणाने प्रकल्पा समोर आंदोलन सुरू केले आहे.प्रकल्पासाठी जमीन संपादन केल्या नंतर शेतकऱ्यांचे पुनर्वसन म्हणून नोकरी देण्याची जबाबदारी प्रशासनाची आहे. असे असतानाही प्रकल्प सुरू होऊन तब्बल ३० वर्षांचा कालावधी उलटून गेल्यानंतरही नोकरी देण्याचे आश्वासन पाळले नसल्याच्या निषेधार्थ तरुणाने हे बेमुदत आंदोलन सुरु केले आहे. या आंदोलनाला विविध सामाजिक संस्थेच्या पदाधिकाऱ्यांनी पाठिंबा जाहीर केला आहे.