पालघर : मोखाडा येथे महाविद्यालयातून आश्रम शाळेत जेवणाच्या सुट्टी दरम्यान येत असताना १८ वर्षीय अर्चना लक्ष्मण उदार या तरुणीची तिच्या प्रियकराने कोयत्याने गळा चिरून निर्घृण हत्या केली. हेही वाचा - पालघर जिल्ह्यातील ५१ ग्रामपंचायतींच्या निवडणूकींची रणधुमाळी सुरू, ५ नोव्हेंबरला मतदान तर सहा नोव्हेंबरला निकाल हेही वाचा - पालघर : नंडोरे येथे विजेचा धक्का लागून दोन तरुणांचा मृत्यू, रानडुक्कर पकडण्यासाठी रचला होता विद्युत सापळा रयत शिक्षण संस्थेच्या गभालपाडा अनुदानित आश्रम शाळेत शिकणारी ही विद्यार्थिनी शिक्षणासाठी लगतच्या महाविद्यालयाच्या इमारतीत येत असे. दुपारी साडेबारा वाजल्याच्या सुमारास जेवणासाठी आश्रमशाळेत जात असताना तिच्यावर एकतर्फी प्रेम करणाऱ्या तरुणाने कोयत्याचा धाक दाखवून मानेवर वार केला. तिच्याबरोबरच्या मैत्रिणी घाबरून पळून गेल्या. या हल्ल्यात अर्चनाचा जागीच मृत्यू झाला. हल्ला करणारा २० वर्षीय तरुण हा परिसरातीलच असून त्याचा शोध पोलीस घेत आहेत.