नरेश म्हस्केंच्या मिरवणुकीकडे गणेश नाईक समर्थकांची पाठ

ठाणे लोकसभा मतदारसंघावरुन गेल्या दीड महिन्यांपासून मुख्यमंत्री एकनाथ शिंदे आणि भाजप नेत्यांमध्ये कमालीची रस्सीखेच सुरु होती. या मतदारसंघात भाजपची ताकद वाढल्याचे दाखले देत येथून नाईकांचे ज्येष्ठ पुत्र माजी खासदार संजीव नाईक यांच्यासाठी भाजपने आग्रह धरला होता. मुख्यमंत्र्यांसाठी ठाण्याची जागा प्रतिष्ठेची मानली जाते. त्यामुळे कोणत्याही परिस्थितीत ही जागा सोडणार नाही अशी भूमीका मुख्यमंत्र्यांनी घेतली होती. याशिवाय संजीव नाईक यांची उमेदवारीही शिंदेसेनेला अमान्य होती. उमेदवारी अर्ज भरण्याची अखेरची तारीख ज‌वळ येताच हा मतदारसंघ शिंदेसेनेला सुटणार हे स्पष्ट झाले. या मतदारसंघातून मुख्यमंत्र्यांनी ठाण्याचे माजी महापौर नरेश म्हस्के यांना उमेदवारी जाहीर केली. त्यामुळे नाराज झालेल्या नाईक समर्थकांनी गुरुवारी त्यांच्या देखतच मुख्यमंत्र्यांसह उमेदवार म्हस्के यांच्याविरोधात आक्रमक भूमीका घेतल्याचे दिसून आले. यावेळी भाजपच्या स्थानिक कार्यकारणीतील बहुसंख्य पदाधिकाऱ्यांनी आपल्या पदाचे राजीनामे प्रदेश कार्यालयात जमा केले.

आणखी वाचा

आमची देना बँक आहे, लेना बँक नाही, मुख्यमंत्री एकनाथ शिंदे यांची कल्याणमध्ये विरोधकांवर टीका

Madhurima Raje : सतेज पाटील ज्यांच्यामुळे ढसाढसा रडले…

मोठ्या प्रकल्पातील गतिरोधक दूर केले; एकनाथ शिंदे यांची उद्धव ठाकरे यांच्यावर टीका

रश्मी शुक्लांना हटवण्यास एवढा वेळ का लागला? नाना पटोले यांचा सवाल

शिंदेचे स्टार प्रचारक शरद पोंक्षे मनसेच्या व्यासपीठावर

जे बाळासाहेबांचे झाले नाहीत ते राज ठाकरेंचे काय होणार, मनसेचे आमदार राजू पाटील यांचा मुख्यमंत्री शिंदे पिता पुत्रांवर घणाघात

“त्यांना सांगा, आपली मैत्री आता २० तारखेनंतरच”, भाजपच्या जिल्हाध्यक्षांनी भर सभेत केली शिवसैनिकांची कानउघाडणी

विधानसभा निवडणुकीसाठी शिट्टी झाले खुले चिन्ह; बहुजन विकास आघाडी सह इतर अपेक्षांना शिट्टी चिन्ह मिळू शकणार

हेही वाचा : अमेठीतले काँग्रेस उमेदवार केएल शर्मा कोण आहेत? राजीव गांधींशी काय आहे कनेक्शन?

समर्थक गैरहजर, नाईकांची उपस्थिती

गुरुवारी झालेल्या नाराजी नाट्यानंतर गणेश नाईक आणि त्यांचे कुटुंबिय शुक्रवारी कोणती भूमीका घेतात याकडे सर्वांचे लक्ष लागले होते. राजीनामा सादर करुन नवी मुंबईत नाईक यांच्या भेटीसाठी गुरुवारी सायंकाळी परतलेले पदाधिकारी, समर्थकांनी म्हस्के यांच्या मिरवणुकीत सहभागी होणार नाही अशी भूमीका घेतली होती. यावेळी नाईक यांनी मात्र आपण पक्षाचे नेते या नात्याने म्हस्के यांचा अर्ज भरताना उपस्थित राहू अशी भूमिका पदाधिकाऱ्यांकडे स्पष्ट केली होती. शुक्रवारी सकाळी म्हस्के यांच्यासाठी काढण्यात आलेल्या मिरवणुकीत सुरुवातीपासून भाजप आणि राष्ट्रवादी काॅग्रेस पक्षाच्या अजित पवार गटाचे नेते, कार्यकर्ते सहभागी झाल्याचे दिसले. गणेश नाईक मात्र या मिरवणुकीत सहभागी नव्हते. अखेर जिल्हाधिकारी कार्यालयात अर्ज दाखल करताना नाईक त्यांचे पुत्र संदीप, संजीव आणि पुतणे सागर नाईक यांच्यासह उपस्थित झाले. यावेळी मुख्यमंत्र्यांच्या समवेत म्हस्के यांचा अर्ज दाखल करण्यासाठी गणेश नाईक आणि संजीव नाईक जातीने उपस्थिती होते. यावेळी बेलापूरच्या आमदार मंदा म्हात्रे यांचीही उपस्थिती होती. ‘नरेंद्र मोदी यांना पंतप्रधान करण्यासाठी राज्यातील प्रत्येक जागा महत्वाची असल्याने आपण ठाण्यात उपस्थित राहीलो’, असे गणेश नाईक यांनी यावेळी स्पष्ट केले. असे असले तरी म्हस्के यांच्या मिरवणुकीत नाईक समर्थक असलेले पदाधिकारी, माजी नगरसेवक मात्र अनुपस्थितीत असल्याचे पहायला मिळाले. गुरुवारी रात्रीच नाईकांच्या उपस्थितीत अनेक पदाधिकाऱ्यांनी ही भूमीका मांडली होती. त्यानुसार आम्ही ठाण्यात अर्ज दाखल करण्यासाठी आलो नाही, अशी माहिती एका नाईक समर्थक माजी नगरसेवकाने लोकसत्ताला दिली.

हेही वाचा : लैंगिक अत्याचाराचे आरोप असलेल्या ब्रिजभूषण सिंहांऐवजी मुलाला तिकीट; कुस्तीपटूंच्या आंदोलनाचा परिणाम?

नाराजी दूर होईल

ठाणे लोकसभा मतदारसंघ भाजपला सुटला नसल्याने कार्यकर्त्यांमध्ये नाराजी आहे आणि गुरुवारी ती व्यक्तही झाली. मात्र ही नाराजी दूर होईल आणि कार्यकर्ते नरेंद्र मोदी यांच्या विजयासाठी एकदिलाने काम करतील.

गणेश नाईक, नेते भाजप