दिल्लीतील कथित मद्य धोरण घोटाळ्याप्रकरणी दिल्लीचे मुख्यमंत्री अरविंद केजरीवाल यांना ईडीकडून अटक करण्यात आली आहे. त्यांच्या अटकेनंतर आपच्या कार्यकर्त्यांकडून मोठ्या प्रमाणात रस्त्यावर उतरून आंदोलने करण्यात येत आहेत. मात्र, या आंदोलनांदरम्यानचा आपच्या नेत्याचा एक व्हिडीओ सध्या राजकीय वर्तुळात चर्चेचा विषय ठरला आहे.

आम आदमी पक्षाचे उत्तर प्रदेश किसान संघटनेचे उपाध्यक्ष राम गुप्ता (वय ४६) यांचा आंदोलनादरम्याचा हा व्हिडीओ सध्या सोशल मीडियावर खूपच व्हायरल झाला आहे. या व्हिडीओत त्यांनी माध्यमाच्या प्रतिनिधींशी बोलताना आपण आपच्या आंदोलनात सहभागी नसल्याचे सांगितले. मात्र, काही वेळातच त्यांनी ‘केजरीवाल जिंदाबाद’, अशी घोषणा दिली.

Loksatta UPSC Key
यूपीएससी सूत्र : व्हेनेझुएलातून लुप्त झालेल्या हिमनद्या अन् भारतीय वंशाच्या व्यक्तीचं पहिलंवहिलं अंतराळ पर्यटन; वाचा सविस्तर…
sambit patras
“भगवान जनन्नाथ हे पंतप्रधान मोदींचे भक्त”; संबित पात्रांच्या विधानानंतर नवा वाद निर्माण होण्याची शक्यता!
Punjab cm getting hit viral video fact check
जमावाने केला मुख्यमंत्र्यांवर हल्ला? सोशल मीडियावर होतोय ‘हा’ Video व्हायरल; पाहा नेमकं घडलंय काय
RCB fans abuse CSK fans video viral
RCBच्या विजयानंतर बेभान झालेल्या चाहत्यांचे गैरवर्तन, CSKच्या फॅन्सशी धक्काबुक्की केल्याचा VIDEO व्हायरल
swati maliwal assault case video
VIDEO : “…तर मी तुझी नोकरी खाईन”; मारहाण होण्यापूर्वी स्वाती मालिवाल यांच्याबरोबर काय घडलं?
Who is Vaibhav Kale?
Vaibhav Kale: गाझा युद्धात वीरमरण आलेले वैभव काळे कोण होते?, मानवता जपणारा अधिकारी काळाच्या पडद्याआड
Bengaluru metro video
Viral Video : बंगळुरू मेट्रोमध्ये तरुण-तरुणीचे अश्लील चाळे, पोलिसांनी घेतली दखल; म्हणाले…
Amit Shah Fake Video Case
अमित शाह यांच्या फेक व्हिडीओ प्रकरणी पोलिसांची कारवाई; काँग्रेस आणि ‘आप’शी संबंधित दोघांना अटक

हेही वाचा – अरविंद केजरीवाल : भाजपाचा अचूक लक्ष्यभेद की, ‘अति’ ची माती?

खरे तर दिल्लीत निदर्शने करणाऱ्या आपच्या कार्यकर्त्यांना पोलिसांकडून ताब्यात घेण्यात येत होते. त्यावेळी आपल्याला अटक होऊ नये म्हणून त्यांनी खोटे बोलत आपण आंदोलनाचा भाग नसल्याचे म्हटले. तसेच तिथून पोलीस जाताच आपण खोटे बोलल्याचे त्यांनी मान्य केले. त्यामुळे माध्यमाचे प्रतिनिधीही आश्चर्यचकित झाले.

या संदर्भात द संडे एक्स्प्रेसशी बोलताना राम गुप्ता यांनी सांगितले, ”आपला हा व्हिडीओ सोशल मीडियावर व्हायरल होणार याची त्यांना पूर्ण कल्पना होती. अनेकांनी याचे मीम्स सोशल मीडियावर शेअर केल्याचेही मी पाहिले. मी त्यावेळी खोटे बोललो हे मी कबूल करतो. मात्र, मी निदर्शनात होतो म्हणून खोटे बोललो, असे नाही. तर अटक केल्यानंतर पोलीस आंदोलकांना बवानाच्या जंगलात नेऊन सोडणार होते आणि मला त्या जंगलात जायचे नव्हते म्हणून मी खोटे बोललो.

”गेल्या दशकभरात आम्ही पक्षाच्या अनेक आंदोलनांत सहभाग घेतला. प्रत्येक वेळी आम्हाला ताब्यात घेऊन शहरापासून दूर कुठे तरी लांब सोडले जायचे. तिथून मग एकटे परत यावे लागायचे. आता तर आम्हाला बवानाच्या जंगलात सोडणार होते. पण, या जंगलातून परत यायला तुम्हाला रिक्षासुद्धा मिळत नाही. जर शांततापूर्ण निदर्शने करणाऱ्यांबरोबर सरकार असे खेळ करीत असतील, तर आमच्याकडेही योजना तयार नसावी का?” अशी प्रतिक्रियाही त्यांनी दिली.

हेही वाचा – सुनील तटकरेंचाही कडेलोट करावा लागेल… शिंदे गटाचे आमदार महेंद्र थोरवे यांचे धक्कादायक वक्तव्य

गुप्ता यांनी सांगितले, “२०१३ मध्ये झालेल्या अन्ना आंदोलनात ते सहभागी होते. त्यापूर्वी ते पत्रकार होते. मात्र, २०१३ नंतर माध्यमांच्या अभिव्यक्ती स्वातंत्र्यावर हल्ला करण्यात आला. त्यामुळे मी पत्रकारितेतून बाहेर पडलो. खरे तर ज्यावेळी शांततापूर्ण निदर्शने करणाऱ्याच्या अभिव्यक्ती स्वातंत्र्यावर अशा प्रकारे हल्ला केला जातो, तेव्हा खोटे बोलणे चुकीचे नाही.”