04 August 2020

News Flash

पिंपरी-चिंचवड पोलीस दलातील १२० जणांची करोनावर मात

करोनामुक्त झालेल्यापैकी ९० जण पुन्हा कर्तव्यावर देखील रुजू झाले.

प्रतिकात्मक छायाचित्र

पिंपरी-चिंचवड पोलीस आयुक्तालयातील १२० पोलिसांनी करोनावर मात केली आहे. कौतुकास्पद म्हणजे ९० जण कर्तव्यावर रुजू देखील झाले आहेत. आयुक्तालयातील एकूण १४९ जणांना करोना विषाणूची लागण झाली होती. यातील १२० जण ठणठणीत बरे झाले असून २९ जणांवर खासगी रुग्णालयात उपचार सुरू आहेत, अशी माहिती सहाय्यक पोलीस आयुक्त आर.आर.पाटील यांनी दिली आहे.

पिंपरी-चिंचवड शहरात करोना महामारी उग्र रूप धारण करत आहे. दिवसेंदिवस शहरातील बाधित रुग्णांची संख्या वाढत असताना करोना योद्धे म्हणून संबोधले जाणारे पोलीस देखील याला अपवाद ठरू शकले नाहीत. पिंपरी-चिंचवड शहरातील २ हजार ११७ जणांची कोविड टेस्ट करण्यात आली असून,यापैकी  १४९ जण करोनाबाधित असल्याचं समोर आलं होतं. त्यातील १२० पोलीस कर्मचारी आणि अधिकारी यांनी करोनावर मात केली असून, ते कर्तव्यावर देखील रुजू झाले आहेत.

सध्या पिंपरी-चिंचवड शहरात करोना बाधितांची संख्या १५ हजार ६३२ वर पोहचली असून, १० हजार १५८ जण करोनामुक्त झाले आहेत. दरम्यान, अनेकांचा करोनामुळे मृत्यू देखील झाला आहे. कौतुकास्पद म्हणजे १२० पोलीस कर्मचारी अधिकारी यांनी करोनावर मात केली आहे. त्यामुळे पोलीस दलातील करोना संसर्गाच्या पार्श्वभूमीवर असलेली चिंता काहीशी कमी होत असल्याचे दिसून येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 26, 2020 2:02 pm

Web Title: 120 members of pimpri chinchwad police force defeated corona msr 87 kjp 91
टॅग Coronavirus
Next Stories
1 …म्हणून ‘त्या’ आजीला मदत करणाऱ्यांवर दिग्दर्शक केदार शिंदे संतापले; म्हणाले,”लाज वाटायला हवी”
2 शहरात पुन्हा टाळेबंदी नको!
3 धरणांमधील पाण्याचे नव्याने नियोजन
Just Now!
X