25 February 2021

News Flash

पिंपरी चिंचवडमधील निवडणूक अधिकारी यशवंत माने यांची तडकाफडकी बदली

विरोधी पक्षनेते राधाकृष्ण विखे पाटील यांचे खासगी सचिव म्हणून नियुक्ती

पिंपरी चिंचवड महापालिका (संग्रहित छायाचित्र)

पिंपरी चिंचवड महानगरपालिकेचे मुख्य निवडणूक अधिकारी डॉ. यशवंत माने यांची मंगळवारी तडकाफडकी बदली करण्यात आली आहे. विधानसभेतील विरोधी पक्षनेते राधाकृष्ण विखे पाटील यांचे खासगी सचिव म्हणून त्यांची नियुक्ती करण्यात आली आहे.

पिंपरी चिंचवड महानगर पालिकेच्या निवडणुकीनंतर लगेचच यशवंत माने यांची तडकाफडकी बदली करण्यात आली आहे. पिंपरी चिंचवडमध्ये गेली अनेक वर्ष राष्ट्रवादी काँग्रेसची सत्ता होती. मात्र यंदाच्या निवडणुकीत भारतीय जनता पक्षाला घवघवीत यश मिळाले आहे.   मात्र भाजपच्या या यशाकडे सर्वच पक्ष संशयाच्या नजरेने बघत आहेत. ईव्हीएम मशीन मध्ये घोटाळा झाल्याचे समोर आल्याने यात भर पडली आहे. या घडामोडी ताज्या असतानाच निवडणूक निर्णय अधिका-यांची तडकाफडकी बदली झाल्याने सर्वांच्याच भूवया उंचावल्या आहेत.  निवडणूक अधिकारी यशवंत माने यांनी बदली चार महिन्यापूर्वीच होणार होती अशी माहिती दिली आहे. निवडणूक असल्याने बदली झाली नाही असेही त्यांनी स्पष्ट केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 28, 2017 11:03 pm

Web Title: chief of election department of pcmc yashwant mane transfered
Next Stories
1 ईव्हीएममध्ये घोटाळा नाही; पुणे महापालिका आयुक्तांनी आरोप फेटाळले
2 पुण्यात ईव्हीएम मशीनची अंत्ययात्रा; पराभूत उमेदवारांचा संताप
3 अजित पवार ‘नॉट रिचेबल’
Just Now!
X