06 July 2020

News Flash

बारावीच्या परीक्षांनाही आता आंदोलनाचे ग्रहण

राज्यातील शिक्षक, मुख्याध्यापक, शिक्षकेतर कर्मचाऱ्यांनी आपल्या मागण्यांसाठी आता १३ फेब्रुवारीपासून राज्यातील शाळा बेमुदत बंद करण्याचा इशारा दिला आहे.

| January 29, 2014 04:17 am

परीक्षांच्या तोंडावर उच्च माध्यमिक शिक्षकांनी दिलेल्या बहिष्काराच्या इशाऱ्यामुळे बारावीच्या परीक्षांवर बहिष्काराचे सावट असताना आता राज्यातील शिक्षक, मुख्याध्यापक, शिक्षकेतर कर्मचाऱ्यांनी आपल्या मागण्यांसाठी आता १३ फेब्रुवारीपासून राज्यातील शाळा बेमुदत बंद करण्याचा इशारा दिला आहे. त्यामुळे दहावीच्या परीक्षांवरही सावट आहे.
राज्यातील शिक्षक, मुख्याध्यापक आणि शिक्षकेतरांच्या विविध सहासंघटनांनी सोमवारी शिक्षक संचालनालयासमोर आंदोलन केले. या आंदोलनात राज्यातील दीड ते दोन हजार शिक्षक, मुख्याध्यापक, शिक्षकेतर कर्मचारी सहभागी झाले होते. मागण्या मान्य झाल्या नाहीत तर राज्यातील सर्व शाळा १३ फेब्रुवारीपासून बेमुदत बंद करण्याचा इशारा या संघटनांनी दिला आहे. त्यामुळे बारावीपाठोपाठ दहावीच्या परीक्षांवरही अडचणींचे सावट आहे.

प्रमुख मागण्या
– कायम विनाअनुदानित शाळांमधील कायम शब्द वगळावा
– मध्यान्ह भोजन योजनेची जबाबदारी मुख्याध्यापकांवर टाकू नये
– सहावा वेतन आयोग लागू व्हावा
– शिक्षकेतरांना बारा आणि चोवीस वर्षांनंतर विनाअट वेतनश्रेणी मिळावी
– शिक्षकेतर कर्मचाऱ्यांनी सेवेत आपली शैक्षणिक पात्रता वाढवल्यास त्याला शिक्षक पदावर विनाअट संवर्ग बदलून मिळावा

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 29, 2014 4:17 am

Web Title: warning of indefinite strike by teachers
टॅग Teachers
Next Stories
1 ‘रेडझोन’ आंदोलनात अण्णा हजारे
2 ‘भांडारकर’च्या ग्रंथालयातील पुस्तकांची संगणकीकृत सूची करण्याचा प्रकल्प सुरू
3 चिथावणीखोर वक्तव्याच्या आरोपावरून राज ठाकरे यांच्यावर पुणे जिल्ह्य़ात दोन गुन्हे
Just Now!
X