scorecardresearch

Premium

रक्ताचा तुटवडा कमी करण्यासाठी अनोखा उपक्रम, ९३ महाविद्यालयांमध्ये साखळी रक्तदान शिबिरे

विद्यापीठाच्या राष्ट्रीय सेवा योजना विभागाचे संचालक डॉ. सदानंद भोसले यांनी परिपत्रकाद्वारे ही माहिती दिली.

unique initiative reduce blood shortage, chain blood donation camps 93 colleges
रक्ताचा तुटवडा कमी करण्यासाठी अनोखा उपक्रम, ९३ महाविद्यालयांमध्ये साखळी रक्तदान शिबिरे (संग्रहित छायाचित्र)

पुणे: शासकीय रक्तपेढ्यांतील रक्ताचा तुटवडा कमी करण्यासाठी साखळी पद्धतीने रक्तदान शिबिरे आयोजित करण्याचा अनोखा उपक्रम राबवला जाणार आहे. या अंतर्गत सावित्रीबाई फुले पुणे विद्यापीठाशी संलग्न ९३ महाविद्यालयांमध्ये डिसेंबर २०२३ ते एप्रिल २०२४ या कालावधीत शासकीय रक्तपेढ्यांच्या सहकार्याने रक्तदान शिबिरे आयोजित केली जाणार आहेत.

विद्यापीठाच्या राष्ट्रीय सेवा योजना विभागाचे संचालक डॉ. सदानंद भोसले यांनी परिपत्रकाद्वारे ही माहिती दिली. शहरात मोठ्या संख्येने रक्तदान शिबिरांचे आयोजन केले जात असूनही शासकीय रक्तपेढ्यांमध्ये कधीतरी रक्ताचा तुटवडा जाणवतो. शासकीय रक्तपेढ्यांसमवेत रक्तदान शिबिरे आयोजित करण्याचे प्रमाण कमी असल्याचे कारण त्या मागे आहे. शासकीय रक्तपेढी कोणतेही आमिष न दाखवता नि:स्वार्थ, स्वेच्छेने, सर्व नियमांचे काटेकोर पालन करून रक्तदान शिबिरांचे आयोजन करतात. त्या अनुषंगाने सावित्रीबाई फुले पुणे विद्यापीठ, राष्ट्रीय सेवा योजना संलग्नित महाविद्यालये, ससून सर्वोपचार रुग्णालयातील प्रादेशिक रक्तकेंद्र विभाग यांच्यातर्फे पुणे आणि पिंपरी चिंचवड परिसरातील ९३ महाविद्यालयांमध्ये साखळी पद्धतीने रक्तदान शिबिरे आयोजित करण्याचा उपक्रम राबवण्याचे निर्देश देण्यात आले आहेत.

19 thousands of scholarship applications are pending in colleges
नागपूर : शिष्यवृत्तीचे १९ हजारांवर अर्ज महाविद्यालयांकडे प्रलंबित
Colleges are responsible for barring ineligible students in BHMS examination
बीएचएमएस परीक्षेत अपात्र विद्यार्थ्यांना रोखण्याची जबाबदारी महाविद्यालयांवर, आरोग्य विद्यापीठाची सूचना
New criteria for grants to colleges Draft guidelines released by UGC
महाविद्यालयांच्या अनुदानासाठी नवे निकष… यूजीसीकडून मार्गदर्शक सूचनांचा मसुदा प्रसिद्ध… होणार काय?
condition of protesters in Hindi University is alarming students demand a fair investigation
वर्धा : हिंदी विद्यापीठातील आंदोलकांची प्रकृती चिंताजनक, विद्यार्थ्यांची निष्पक्ष चौकशीची मागणी

हेही वाचा… आळेफाटा येथील रहिवासी सोसायटीत बिबट्याचा वावर; नागरिकांमध्ये भीतीचे वातावरण

साखळी पद्धतीने डिसेंबर २०२३ ते एप्रिल २०२४ या कालावधीत होणाऱ्या रक्तदान शिबिरांमध्ये पुणे आणि पिंपरी चिंचवड परिसरातील सर्व महाविद्यालये सहभागी होतील. तसेच ससून सर्वोपचार रुग्णालयातील प्रादेशिक रक्तकेंद्र विभागाच्या चमूसह रक्तदान शिबिरांचे आयोजित करण्याबाबत नमूद करण्यात आले आहे. या उपक्रमाच्या परिपत्रकासह ९३ महाविद्यालयांची यादी आणि रक्तदानाचे वेळापत्रकही विद्यापीठाच्या संकेतस्थळावर प्रसिद्ध करण्यात आले आहे.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: A unique initiative to reduce blood shortage chain blood donation camps in 93 colleges pune print news ccp 14 dvr

First published on: 29-11-2023 at 18:54 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×