जप्त केलेली दुचाकी परत देण्यासाठी वाहन चालकाकडे १० हजार रुपये लाच मागितल्याप्रकरणी चाकण येथील वाहतूक पोलीस व त्याचा सहायक (वॉर्डन) अशा दोघांवर लाचलुचपत प्रतिबंधक विभागाच्या वतीने कारवाई करण्यात आली. हेही वाचा >>> पुणे : विसर्जन मिरवणुकीला वेग ; पोलिसांकडून प्रयत्न सुरू आप्पासाहेब अंबादास जायभाय (वय ३२, पोलीस कॉन्स्टेबल, चाकण वाहतूक विभाग) आणि किशोर भगवान चौगुले (वय ४३, वॉर्डन) या दोघांवर गुन्हा दाखल करण्यात आला. याप्रकरणी २२ वर्षीय युवकाने या विभागाकडे तक्रार केली होती. चाकण वाहतूक विभागाने तक्रारदारांची दुचाकी ताब्यात घेतली होती. कारवाई न करता ती दुचाकी परत देण्यासाठी आरोपींनी १०,००० रुपये लाच मागितली. पोलिसांनी सापळा रचून दोघांना अटक केली.
