तरुणीचा विनयभंग करणाऱ्या आरोपीविरुद्ध २४ तासांत आरोपपत्र; ‘ई-साक्ष’ प्रणालीद्वारे पुरावे संकलित

परिमंडळ पाचचे पोलीस उपायुक्त डाॅ. राजकुमार शिंदे, सहायक आयुक्त अनुराधा उदमले यांच्या मार्गदर्शनाखाली वरिष्ठ पोलीस निरीक्षक संजय मोगले, गुन्हे शाखेचे निरीक्षक निलेश जगदाळे, अश्विनी जगताप, सहायक निरीक्षक हसीना शिकलगार, विनोद शिर्के यांनी ही कामगिरी केली.

विवाहाच्या आमिषाने तरुणीवर बलात्कार

विवाहच्या आमिषाने तरुणीवर बलात्कार केल्याप्रकरणी एकाविरुद्ध कोढवा पोलिसांनी गुन्हा दाखल केला. याबाबत तरुणीने कोंढवा पोलीस ठाण्यात फिर्याद दिली आहे. तक्रारदार तरुणी आणि आरोपी तरुणाची ओळख झाली होती. विवाहाचे आमिष दाखवून त्याने तरुणीाला जाळ्यात ओढले. त्यानंतर त्याने तिच्यावर वेळोवेळी बलात्कार केला. तरुणीने विवाहाबाबत त्याच्याकडे विचारणा केली. त्यानंतर त्याने विवाहास नकार दिला. त्यानंतर तरुणीने पोलिसांकडे तक्रार दिली. सहायक पोलीस निरीक्षक जाधव तपास करत आहेत. विवाहाच्या आमिषाने एका युवतीला पळवून ने्लयाची घटना उघडकीस आली आहे. याबाबत युवतीच्या वडिलांनी विश्रांतवाडी पोलीस ठाण्यात फिर्याद दिली आहे. सहायक पोलीस निरीक्षक कदम तपास करत आहेत.

दरम्यान,भारती विद्यापीठ परिसरातील एका युवतीला आमिष दाखवून तिला पळवून नेल्याची घटना घडली. याबाबत युवतीच्या वडिलांनी भारती विद्यापीठ पोलीस ठाण्यात फिर्याद दिली आहे. सहायक पोलीस निरीक्षक मिथुन परदेशी तपास करत आहेत.