पिंपरी पालिकेची नोकरभरती, पदोन्नती नियमानुसारच गैरप्रकारांच्या तक्रारीनंतर पालिकेचे स्पष्टीकरण

हेही वाचा >>>महापालिकेच्या कचरा गाडीच्या धडकेने तरुणाचा मृत्यू; सिंहगड रस्ता भागातील घटना

पालिकेतील अनेक कामांमध्ये गैरप्रकार झाल्याची तक्रार सामाजिक कार्यकर्ते मारूती भापकर यांनी काही दिवसांपूर्वी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्याकडे पत्राद्वारे केली होती. त्याचा संदर्भ देऊन महापालिकेच्या प्रशासन विभागाने भापकर यांना लेखी पत्र पाठवले आहे.

हेही वाचा >>>पुणे : वीज पुरवठा खंडित करण्याची भीती दाखवून महिलेची एक लाखाची फसवणूक

पिंपरी-चिंचवड महापालिकेच्या नोकरभरतीसाठी खासगी कंपनीकडून परीक्षांचे कामकाज करून घेतले जाते. त्यादृष्टीने महापालिकेने कंपनीशी करारनामा केला आहे. याबाबतच्या खर्चास मंजुरी देण्यात आली आहे. नोकरभरतीत कोणत्याही प्रकारे नियमबाह्य कार्यवाही करण्यात आलेली नाही. त्याचप्रमाणे अधिकाऱ्यांना पदोन्नती देण्याच्या प्रकरणातही महापालिका अधिनियमानुसार सर्व नियमांचे, निकषांचे पालन करण्यात आले असल्याचे महापालिकेने दिलेल्या पत्रात म्हटले आहे.