Coronavirus – “…तर पुणे शहराचे लसीकरण दोन महिन्यात पूर्ण होईल”

तसचे, यावेळी मुरलीधर मोहोळ म्हणाले की, राज्यातील अनेक भागात करोनाबाधित रुग्ण वाढतं आहे. त्यावर नियंत्रण मिळविण्यासाठी प्रशासन युद्ध पातळीवर काम करीत आहे. मात्र त्यावर लॉकडाउन हा पर्याय नाही. तसे झाल्यास सर्व सामान्य नागरिकांच्या जीवनावर विपरीत परिणाम झाल्याचे आपण सर्वांनी पाहिले आहे. पुण्यातील रुग्ण संख्या नियंत्रणात न आल्यास भविष्यात नव्याने पावलं उचलली जाऊ शकतात, असा इशाराही त्यांनी यावेळी दिला.

याचबरोबर, वाढती रुग्ण संख्या लक्षात घेऊन, आपली सर्व यंत्रणा सक्षम आहे. पण शहरातील ८० टक्के रुग्ण हे होम आयोसोलेशनमध्ये असून, सध्या आपल्याकडे ४ हजार ३०० बेड उपलब्ध आहेत. त्यापैकी साधारण २ हजार २०० बेड रिक्त असून भविष्यात जम्बो रुग्णालय देखील सुरू केले जाईल. मात्र नागरिकांनी गर्दीच्या ठिकाणी जाण्याचे टाळावे, तसेच सर्व नियमांचे पालन करावे, असे आवाहन देखील त्यांनी यावेळी केले.