पुणे : काकडी, फ्लॉवर स्वस्त, लसूण, कोबीच्या दरात वाढ

गुलटेकडी येथील श्री छत्रपती शिवाजी मार्केट यार्डात रविवारी (३० जुलै) राज्य, तसेच परराज्यांतून ९० ते १०० ट्रक फळभाज्यांची आवक झाली. गुजरात, कर्नाटकमधून मिळून ८ ते १० टेम्पो हिरवी मिरची, गुजरात, कर्नाटकमधून मिळून ३ ते ४ टेम्पो कोबी, आंध्रप्रदेश आणि तामिळनाडूतून ३ ते ४ टेम्पो शेवगा, कर्नाटकातून १ टेम्पो मटार, १ टेम्पो भुईमूग शेंग, तसेच २ टेम्पो पावटा, मध्य प्रदेश आणि गुजरातमधून मिळून ८ ते १० टेम्पो लसूण, आग्रा, इंदूर, तसेच पुणे विभागातून मिळून ५० ट्रक बटाट्याची आवक झाली, अशी माहिती घाऊक बाजारातील प्रमुख अडते विलास भुजबळ यांनी दिली.

हेही वाचा >>> पुणे :अग्निशमन दलाच्या जवानांनी लढवली शक्कल, डांबर असलेल्या ड्रममधून दोन श्वानांची केली सुटका 

पुणे विभागातून सातारी आले ७०० ते ८०० गोणी, टोमॅटो सहा ते साडेसहा हजार पेटी, फ्लाॅवर १० ते १२ टेम्पो, कोबी ४ ते ५ टेम्पो, मटार २ टेम्पो, भेंडी ५ ते ६ टेम्पो, गवार ५ ते ६ टेम्पो, ढोबळी मिरची ७ ते ८ टेम्पो, तांबडा भोपळा ८ ते १० टेम्पो, कांदा ६० ते ६५ ट्रक अशी आवक झाली.

पालेभाज्या स्वस्त

मार्केट यार्डातील तरकारी विभागात रविवारी पालेभाज्यांची आवक वाढली. त्यामुळे मेेथी, कोथिंबिरीसह सर्व प्रकारच्या पालेभाज्यांच्या दरात ३० टक्क्यांनी घट झाली. कोथिंबिरीच्या दोन लाख जुडी, मेथीच्या एक लाख जुडींची आवक झाल्याची माहिती तरकारी विभागातील व्यापाऱ्यांनी दिली.

पालेभाज्यांची आवक वाढली असली, तरी पावसामुळे पालेभाज्यांच्या प्रतवारीवर परिणाम झाला आहे. मेथीच्या जुडीमागे ४ ते ५ रुपये, कांदापात ४ रुपये, पुदिना २ ते ३ रुपये, मुळा २ रुपये, पालकाच्या जुडीमागे ५ ते ६ रुपयांनी घट झाल्याची माहिती व्यापाऱ्यांनी दिली. घाऊक बाजारात शेकडा पालेभाज्यांचे दर पुढीलप्रमाणे- कोथिंबीर- ६०० ते १२०० रुपये, मेथी- ३०० ते ६०० रुपये, शेपू- ३०० ते ७०० रुपये, कांदापात- ६०० ते ८०० रुपये, चाकवत- ३०० ते ७०० रुपये, करडई- ३०० ते ५०० रुपये, पुदिना- २०० ते ६०० रुपये, अंबाडी- ४०० ते ६०० रुपये, मुळा- ४०० ते १००० रुपये, राजगिरा-४०० ते ६०० रुपये, चुका-३०० ते ७०० रुपये, चवळई- ३०० ते ६०० रुपये, पालक- ६०० ते १००० रुपये