Development of e office system started in Collectorate to make administrative work dynamic and paperless || सरकारी काम? फक्त एक क्लिक थांब!... फायलींचा प्रवास होणार सोपा

प्रशासकीय कामकाज गतिमान आणि कागदविरहित (पेपरलेस) करण्यासाठी जिल्हाधिकारी कार्यालयात ई-ऑफिस प्रणाली विकसित करण्यास सुरुवात झाली आहे.

ई-ऑफिस प्रणालीअंतर्गत जिल्हाधिकारी कार्यालयातील टपाल विभागाचे काम शंभर टक्के पूर्ण करण्यात आले आहे.

पुणे : प्रशासकीय कामकाज गतिमान आणि कागदविरहित (पेपरलेस) करण्यासाठी जिल्हाधिकारी कार्यालयात ई-ऑफिस प्रणाली विकसित करण्यास सुरुवात झाली आहे. नवीन वर्षापासून कार्य़ालयातील सर्व शाखांची कामे कागदविरहित करण्यात येणार असून, नागरिकांची दिवसेंदिवस रखडणारी कामे वेळेत मार्गी लागतील, असा दावा जिल्हा प्रशासनाकडून करण्यात आला आहे.

केंद्र सरकारच्या धर्तीवर सरकारी कामकाजाच्या फाइलचा प्रवास चार स्तरांपर्यंत करण्यासाठी राज्याचे काळजीवाहू मुख्यमंत्री एकनाथ शिंदे यांनी सर्व सरकारी कार्य़ालयांमध्ये ई-ऑफिस प्रणालीचा अवलंब करण्यासाठी २०२२ मध्येच निर्देश दिले आहेत. त्या दृष्टीने जिल्हाधिकारी कार्यालयातील महसूल, कुळकायदा, सर्वसाधारण, निवडणूक, गौण खनिज, पुनर्वसन, भूसंपादन, राजशिष्टाचार, नियोजन समिती, लेखा, राजशिष्टाचार, गृह, संजय गांधी निराधार योजना, नगर परिषद, रोजगार हमी योजना, पुरवठा विभाग, नगर रचना आदी शाखांमधील अधिकाऱ्यांना ई-प्रणालीचा अवलंब करण्यासाठी सूचना देण्यात आल्या आहेत. सद्यस्थितीला ५० टक्क्यांपेक्षा अधिक काम झाले आहेत. याबाबत सर्व शाखांमधील उपजिल्हाधिकारी, तहसीलदार, नायब तहसीलदार, कारकून, अव्वल कारकून यांचे स्वतंत्र सरकारी ई-मेल आयडी बनविण्यात आले आहेत. तसेच, प्रत्येकाची डिजिटल स्वाक्षरी तयार करण्यात आली आहे, अशी माहिती उपजिल्हाधिकारी तथा ई ऑफिस प्रणालीच्या समन्वयक पल्लवी घाडगे यांनी दिली.

हे ही वाचा…कोरेगाव भीमा राष्ट्रीय स्मारकाचे काम कोणी रखडवले?

टपाल विभागाचे काम शंभर टक्के पूर्ण

ई-ऑफिस प्रणालीअंतर्गत जिल्हाधिकारी कार्यालयातील टपाल विभागाचे काम शंभर टक्के पूर्ण करण्यात आले आहे. जुलै महिन्यापासून जिल्हाधिकारी कार्यालयात येणारे विविध विभागांचे टपाल संगणकीकृत करून संबंधित विभागांकडे थेट पाठवले जात आहेत. त्यामुळे कोणत्या विभागासाठी कोणाचा अर्ज आणि कशासाठी आहे, याची माहिती तातडीने प्राप्त होण्यास सुरुवात झाली आहे. या अर्जांवरील पुढील कार्यवाही ऑनलाईन पद्धतीने करण्यात येणार असून, अंतिम निकालानंतर संबंधित नागरिकांना अर्जाची स्थिती आणि अंतिम निकाल सहज पाहता येणार आहेत.

हे ही वाचा…‘ॲकॅडमिक बँक ऑफ क्रेडिट’वर महाराष्ट्राची आघाडी… क्रेडिट्स नोंदवण्यासाठी ३१ डिसेंबरची मुदत

This quiz is AI-generated and for edutainment purposes only.

जिल्हा प्रशासनाकडे प्राप्त होणारे अर्ज, तसेच महसुली प्रकरणे, दावे, प्रलंबित निकाल आदींची माहिती वेळेवर प्राप्त करण्यासाठी कागदविरहित कामे करण्यासाठी जिल्हाधिकारी कार्यालयातील सर्व शाखांमध्ये ई-ऑफिस प्रणालीचा अवलंब करण्यात येणार आहे. नववर्षात याचा अवलंब करण्यास सुरुवात करण्यात येणार असून, पारदर्शकता आणि गतिमानता हाच उद्देश असणार आहे. लवकरच इतर सरकारी कार्यालयांमध्ये या प्रणालीचा अवलंब करण्यात येईल. डाॅ. सुहास दिवसे, जिल्हाधिकारी

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Development of e office system started in collectorate to make administrative work dynamic and paperless pune print news vvp 08 sud 02

सरकारी काम? फक्त एक क्लिक थांब!… फायलींचा प्रवास होणार सोपा

टपाल विभागाचे काम शंभर टक्के पूर्ण