पुणे: मेट्रो प्रकल्पाजवळील जागेत गुंतवणुकीच्या आमिषाने व्यावसायिकाची सव्वाकोटींची फसवणूक

शिवाजीनगर भागातील कामगार पुतळा परिसरातील मेट्रो प्रकल्पाजवळील जागेत गुंतवणुकीच्या आमिषाने व्यावसायिकाची एक कोटी २१ लाख रुपयांची फसवणूक करण्यात आल्याचा प्रकार उघडकीस आला आहे.या प्रकरणी ईश्वर चंदुलाल परमार (वय ७०) आणि सनत ईश्वर परमार (वय ४६) यांच्या विरोधात गुन्हा दाखल करण्यात आला आहे. याबाबत पंकज गुल जगासिया (वय ४३) यांनी बंडगार्डन पोलीस ठाण्यात फिर्याद दिली आहे. शिवाजीनगर परिसरातील कामगार पुतळा परिसरातील एका जागेत मेट्रो प्रकल्प होणार आहे. या जागेत प्रकल्प होणार असून गुंतवणूक करण्याचे आमिष परमार यांनी जगसिया यांना दाखविले होते. गुंतवणूक केल्यास चांगला परतावा मिळेल, असे आमिष त्यांना दाखविण्यात आले होते.