धनंजय मुडेंकडून आयोजित करण्यात आलेल्या सपना चौधरीच्या कार्यक्रमावर गृहमंत्री वळसेंची प्रतिक्रिया, म्हणाले…

या कार्यक्रमावरून भाजपाकडून धनंजय मुंडेंवर जोरदार टीका सुरू आहे.

dilip-walse-patil-new
गृहमंत्री दिलीप वळसे पाटील (संग्रहित छायाचित्र)

राष्ट्रवादी काँग्रेस पक्षाच्या महिला प्रदेशाध्यक्षा रुपाली चाकणकर यांची महिला आयोगाच्या अध्यक्ष पदी निवड झाल्याने आज पुण्यातील बालगंधर्व रंग मंदिर येथे सत्काराचा कार्यक्रम आयोजित केला होता. त्या कार्यक्रमापूर्वी गृहमंत्री दिलीप वळसे पाटील यांना राज्याचे सामाजिक न्यायमंत्री धनंजय मुंडे यांनी दिवाळी स्नेहमिलन कार्यक्रम आयोजित केला होता. त्यामध्ये सपना चौधरीचा नाचगाण्याचा कार्यक्रम झाला. त्यावरून भाजपाकडून टीका केली जात आहे. याबाबत प्रतिक्रिया विचारली असता, “अशा गोष्टी टाळल्या असत्या तर बरं झालं असतं.” असं ते म्हणाले. त्यानंतर राज्यातील एसटी कामगारांच्या प्रश्नावर उत्तर देणे मात्र त्यांनी टाळले.

आर्यन खान ड्रग्स प्रकरणी रोज नवीन मुद्दे नवाब मलिक पुढे आणत आहेत. त्या प्रश्नावर ते म्हणाले की, नवाब मलिक यांची पत्रकार परिषद पाहिली आहे. ते तपासात सिद्ध होईल.

भाजपाचे नेते किरीट सोमय्या म्हणाले की, आर्यन खान ड्रग्ज प्रकरणी पंच म्हणून राहिलेला सुनील पाटील हा राष्ट्रवादी काँग्रेसचा सदस्य असल्याचे म्हणाले आहेत. त्यावर गृहमंत्री वळसे पाटील म्हणाले की, धुळे जिल्हा राष्ट्रवादी काँग्रेस पक्षाच्या जिल्हाध्यक्षाकडून माहिती घेतली आहे. सुनील पाटील हा राष्ट्रवादीचा कार्यकर्ता नसल्याचे सांगण्यात आले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व पुणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Home minister dilip walse reaction on sapna chowdhurys program organized by dhananjay mude msr

Next Story
राष्ट्रवादीच्या पुणे शहराध्यक्षपदासाठी काकडे, निकम, पाटील यांची चर्चा
ताज्या बातम्या