पुणे : शहरात बेकायदा जाहिरात फलकांचे (होर्डिंग) पेव फुटले असताना महापालिकेच्या आकडेवारीनुसार शहरात फक्त ८५ अनधिकृत जाहिरात फलक असल्याचे स्पष्ट झाले आहे. विशेष म्हणजे हडपसर-मुंढवा क्षेत्रीय कार्यालयांतर्गत सर्वाधिक ८४, तर औंध-बाणेर क्षेत्रीय कार्यालयाच्या हद्दीत एक अनधिकृत जाहिरात फलक आहे. तसेच दोन हजार ५९८ अधिकृत जाहिरात फलकांपैकी दोन हजार २४९ जाहिरात फलकांचे स्थापत्य लेखापरीक्षण (स्ट्रक्चरल ऑडिट) करण्यात आले आहे. व्यावसायिक जाहिरात फलक परवानगी घेऊनच उभारण्यात आले असून, तात्पुरत्या स्वरूपातील फलकांची उभारणी करताना परवानगी घेतली जात नसल्याचा दावाही प्रशासनाकडून करण्यात आला आहे.

मुंबई येथील घाटकोपर येथे जाहिरात फलक कोसळून झालेल्या दुर्घटनेच्या पार्श्वभूमीवर महापालिका आयुक्त डाॅ. राजेंद्र भोसले यांनी मंगळवारी तातडीने आढावा बैठक घेतली. त्यानंतर सर्व अधिकृत जाहिरात फलकांचे स्थापत्य लेखापरीक्षण अहवाल करून घेण्याची, तसेच अनधिकृत जाहिरात फलकांवर कारवाई करून त्याबाबतचा अहवाल दोन दिवसांत देण्याची सूचना डाॅ. भोसले यांनी परवाना आणि आकाशचिन्ह विभागाच्या अधिकाऱ्यांना केली. या बैठकीत केवळ ८५ जाहिरात फलक अनधिकृत असल्याची माहिती आकडेवारीसह आयुक्तांना देण्यात आली.

1 crore 40 lakh compensation to the family of the youth in the case of accidental death Pune
अपघाती मृत्यू प्रकरणात तरुणाच्या कुटुंबीयांना एक कोटी ४० लाखांची नुकसान भरपाई
Ravindra Dhangekar criticize bjp says I was not born in sharad pawar or Radhakrishna Vikhe Patils house
मी काही पवारसाहेबाच्या किंवा विखे पाटलांच्या घरी जन्माला आलो नाही : रविंद्र धंगेकर
ravi pandit
जागतिक अब्जाधीशांच्या यादीत पुण्यातील उद्योजक! जाणून घ्या ‘केपीआयटी’चे रवी पंडित यांच्याविषयी…
Woman Strips At Petrol Pump video viral
पेट्रोल पंपावर तरुणीचे लज्जास्पद कृत्य; कर्मचाऱ्यासमोर पँट काढली अन्…; Video व्हायरल
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
Narendra Modi
“मी मुस्लीम कुटुंबांत राहिलो, मला अनेक मुस्लीम मित्र, पण २००२ नंतर…”, पंतप्रधान नरेंद्र मोदींचं विधान चर्चेत
Radhika Khera congress
“रात्री नशेत असताना ते…”, राहुल गांधींच्या भारत जोडो यात्रेवर गंभीर आरोप करत राधिका खेरांचा राजीनामा
Ghatkopar collapse
Ghatkopar Hoarding Collapse : ४० तासांनंतरही बचावकार्य सुरूच, मृतांची संख्या वाढण्याची शक्यता!

हेही वाचा >>>जागतिक अब्जाधीशांच्या यादीत पुण्यातील उद्योजक! जाणून घ्या ‘केपीआयटी’चे रवी पंडित यांच्याविषयी…

शहरातील प्रत्येक चौकात, गल्लीबोळात, रस्त्यांवर मोठ्या प्रमाणावर विनापरवाना जाहिरात फलकांची उभारणी करण्यात आली आहे. गेल्या काही महिन्यांपासून शहरातील अनधिकृत जाहिरात फलकांचा मुद्दा सातत्याने ऐरणीवर आला होता. या पार्श्वभूमीवर शहरातील अधिकृत आणि अनधिकृत जाहिरात फलकांचे सर्वेक्षण करण्याचा निर्णय महापालिकेच्या परवाना आणि आकाशचिन्ह विभागाकडून घेण्यात आला होता. त्यानुसार शहरात दोन हजार ५९८ अधिकृत जाहिरात फलक असल्याची माहिती महापालिका प्रशासनाकडून देण्यात आली.

जाहिरात फलक उभारताना आकाशचिन्ह आणि परवाना विभागाची परवानगी घेणे बंधनकारक आहे. मात्र, परवानगी न घेता जाहिरात फलक उभारले जात आहेत. तथापि हे सर्व जाहिरात फलक तात्पुरत्या स्वरूपाचे आहेत. व्यावसायिक जाहिरात फलक परवानगी घेऊन उभारण्यात आले असून, त्यांचा आकारही परवानगीनुसारच आहे, असा दावा प्रशासनाकडून करण्यात आला आहे.

हेही वाचा >>>तापमानातील चढ-उताराचा आरोग्याला धोका वाढला! आरोग्यतज्ज्ञांचे म्हणणे काय?

दरम्यान, महापालिका प्रशासनाकडून अनधिकृत जाहिरात फलकांवर वेळोवेळी कारवाई करण्यात आली आहे. त्यानुसार ही कारवाई कायम ठेवण्यात येईल. पावसाळ्यात किंवा सध्याच्या अवकाळी पावसात जाहिरात फलक कोसळून दुर्घटना होणार नाही, याची दक्षता घेतली जाईल, असे परवाना आणि आकाशचिन्ह विभागाचे उपायुक्त माधव जगताप यांनी सांगितले.

अनधिकृत फलकांवरील कारवाईची संख्या – १,५६४

स्थापत्य लेखापरीक्षण अहवाल- २,२४९

अधिकृत जाहिरात फलक- २,५९८

अनधिकृत जाहिरात फलक- ८५

नगर रस्ता परिसरात सर्वाधिक अधिकृत जाहिरात फलक

नगर रस्ता क्षेत्रीय कार्यालयाच्या हद्दीत ४९१ अधिकृत जाहिरात फलक आहेत. त्या खालोखाल औंध-बाणेर क्षेत्रीय कार्यालयाच्या हद्दीतील सर्वाधिक ३७६ अधिकृत जाहिरात फलक आहेत. विशेष म्हणजे या क्षेत्रीय कार्यालयाच्या हद्दीत अवघा एक जाहिरात फलक अनधिकृत असल्याची माहिती प्रशासनाकडून देण्यात आली. हडपसर-मुंढवा क्षेत्रीय कार्यालयाच्या हद्दीत २६६ अधिकृत जाहिरात फलक असून, येथे ८४ अनधिकृत जाहिरात फलक आहेत.

कारवाईची मागणी

घाटकोपर येथील दुर्घटनेच्या पार्श्वभूमीवर पुण्यात अशा घटना घडू नयेत, यासाठी महापालिकेने ठोस उपाययोजना कराव्यात आणि धोकादायक जाहिरात फलक तातडीने हटवावेत, अशी मागणी कसबा विधानसभा मतदारसंघाचे काँग्रेसचे आमदार रवींद्र धंगेकर यांनी केली आहे. त्याबाबतचे निवदेन धंगेकर यांनी आयुक्त डाॅ. भोसले यांना दिले आहे.

शहरातील अनधिकृत जाहिरात फलकांवर कारवाई करण्याचे आणि दोन दिवसांत अहवाल देण्याची सूचना परवाना आणि आकाशचिन्ह विभागाच्या अधिकाऱ्यांना करण्यात आली आहे. शहरात केवळ ८५ जाहिरात फलक अनधिकृत आहेत. अधिकृत जाहिरात फलक धोकादायक नाहीत.- डाॅ. राजेंद्र भोसले, आयुक्त, पुणे महापालिका