पूर्व विदर्भात जोरदार पावसाचा अंदाज

हेही वाचा >>> मिचौंग चक्रीवादळाचा तडाखा! पुणे विमानतळावरील अनेक विमाने रद्द; रेल्वेसेवेलाही फटका

या चक्रीवादळाचा परिणाम म्हणून राज्यात आद्रर्ततेचे प्रमाण वाढणार आहे. प्रामुख्याने विदर्भ आणि मराठवाड्यात ढगाळ वातावरण निर्माण होऊन किमान तापमानात वाढ होईल. तसेच पुढील चार दिवस राज्यात तुरळक ठिकाणी हलक्या पावसाचा अंदाज आहे. मंगळवार आणि बुधवारी पूर्व विदर्भातील चंद्रपूर, गडचिरोली, नागपूर, यवतमाळ आणि गोंदियात वादळी वारे, मेघगर्जना आणि विजांच्या कडकडाटासह जोरदार पाऊस होण्याचा अंदाज आहे. गुरुवारी, सात डिसेंबरनंतर मध्य महाराष्ट्र, मराठवाड्यात हवामान कोरडे होण्यास सुरुवात होईल. या काळात कोकण किनारपट्टीवरही हवामान कोरडे राहून किमान तापमानात दोन ते तीन अंश सेल्सिअसने घट होईल, अशी शक्यताही हवामान विभागाने व्यक्त केली आहे.