शरद पवारांचा अपमान मी केला नाही, करणार पण नाही, ते माझं दैवत – अजित पवार

सुप्रिया सुळे यांनी पिंपरी- चिंचवडच्या सभेमध्ये अजित पवारांवर टीका केली होती. पुणे जिल्हा नियोजन समितीच्या बैठकीत आम्हाला बोलू दिलं नसल्याचं म्हणत निधी वाटपाबाबत भेदभाव केल्याचा देखील आरोप त्यांनी केला होता. यावरून अजित पवार यांनी काही गोष्टी स्पष्ट केल्या. शरद पवार हे माझं दैवत आहेत. मी त्यांचा अपमान कधीच करू शकत नाही. करणार पण नाही. सुसंस्कृत म्हणून महाराष्ट्राची ओळख आहे. इथे सर्वांचा आदर केला जातो. त्यामुळे ज्या गोष्टी पसरवल्या जात आहेत त्या चुकीच्या आहेत.

हेही वाचा : “कसा निवडून येतो बघतोच तुला”, अमोल कोल्हेंकडून अजित पवारांची नक्कल; गुलाबी जॅकेटवरूनही लगावला टोला!

पुढे ते म्हणाले, पुणे जिल्हा नियोजन समितीच्या बैठकीत आम्हाला बोलू दिले जात नाही. सत्ताधारी बळजबरी करतात आणि आम्हाला निधी दिला जात नाही. या गोष्टींमध्ये काही तथ्य नसल्याचे देखील अजित पवारांनी म्हटले आहे. बैठकीत मी सगळ्यांचं ऐकून घेत होतो. कुणाला दुखवायचं नाही, नाराज करायचं नाही. जे प्रश्न असतील ते समजून घेत होतो.