पिंपरीतील औद्योगिक कचरा आग प्रकरण : वायूप्रदूषण झाल्याने जागामालकास नोटीस, ‘इतका’ दंड भरण्याचे आदेश

हेही वाचा : पिंपरी-चिंचवडमध्ये आढळले दोन कोटी रुपयांचे मेफेड्रोन, आरोपीला अटक

आग तीन दिवस धुमसत होती. माती टाकून आग विझविण्यात आली. या आगीमुळे परिसरात मोठ्या प्रमाणात विषारी धूर निर्माण झाल्याने नागरिकांच्या आरोग्याला धोका निर्माण झाला होता. मोकळ्या जागेत औद्योगिक कचरा जमा केल्याने आणि आगीस कारणीभूत ठरल्याने नागरिकांच्या जीवितास धोका निर्माण झाला. त्यामुळे जागामालकास १० लाखांचा दंड आकारण्यात येणार आहे. हा दंड मालमत्ता करात समाविष्ट केला जाणार आहे. जागामालक असलेल्या पुण्यातील अमृतेश्वर ट्रस्टला प्रत्यक्ष जाऊन नोटीस बजाविली आहे. दहा लाखांचा दंड भरण्याचा आदेश दिला आहे. दंड न भरल्यास योग्य ती कारवाई करण्यात येणार असल्याचे पर्यावरण विभागाचे सह शहर अभियंता संजय कुलकर्णी यांनी सांगितले.