पिंपरी : मोठ्याने शिव्या का देतो, असे विचारल्याचा राग आल्याने महिलेची दुचाकी पेट्रोल टाकून आग लावून जाळली. ही घटना बुधवारी पहाटे चारच्या सुमारास खेड येथे घडली. याप्रकरणी समीर रेहमत अन्सारी (रा. चाकण, खेड) याला अटक केली आहे. लता अरुण जाधव (वय ५७) यांनी चाकण पोलीस ठाण्यात फिर्याद दिली आहे.
हेही वाचा : पिंपरीत जेष्ठ व्यवसायिकाला लुटणाऱ्या चौघांना बेड्या; मिर्चीपूड टाकून लुटले होते २७ लाख
This quiz is AI-generated and for edutainment purposes only.
फिर्यादी जाधव यांचा मुलगा सुहास आणि शेजारी राहणारा आरोपी समीर यांच्यात दीड महिन्यांपूर्वी शिव्या देण्यावरुन शाब्दिक चकमक झाली. सुहासने आरोपी समीरला मोठ्याने शिव्या का देतो असे विचारले होते. या जुन्या भांडणाचा राग मनात धरुन समीर याने जाधव यांची राहत्या घरासमोरील भिंतीलगक पार्क केलेली दुचाकी पेट्रोल टाकून आग लावून जाळून नुकसान केले. चाकण पोलीस तपास करत आहेत.
