scorecardresearch

Premium

पुणे : फुकट्या प्रवाशांवर रेल्वेचा दंडुका! महिनाभरात अडीच कोटींची वसुली

मध्य रेल्वेच्या पुणे विभागात या मोहिमेअंतर्गत नोव्हेंबर महिन्यात तब्बल २८ हजार फुकट्या प्रवाशांना पकडण्यात आले.

2 crore fifty lakh rupees fine recovered at pune station, pune station ticketless passengers
फुकट्या प्रवाशांवर रेल्वेचा दंडुका! महिनाभरात अडीच कोटींची वसुली (संग्रहित छायाचित्र)

पुणे : रेल्वेने विनातिकीट प्रवास करणाऱ्या प्रवाशांवर कारवाई करण्याची मोहीम हाती घेतली आहे. मध्य रेल्वेच्या पुणे विभागात या मोहिमेअंतर्गत नोव्हेंबर महिन्यात तब्बल २८ हजार फुकट्या प्रवाशांना पकडण्यात आले. त्यांना अडीच कोटी रुपयांचा दंड ठोठावण्यात आला आहे.

पुणे विभागात नोव्हेंबरमध्ये तिकीट तपासणी मोहिमेत २८ हजार ३०१ विनातिकीट प्रवासी आढळले. त्यांच्याकडून २ कोटी ५० लाख ६३ हजार रुपये दंड वसूल करण्यात आला. तसेच अनियमित प्रवासासाठी ९ हजार ३८६ जणांना ५८ लाख ५० हजार रुपयांचा दंड ठोठावण्यात आला. सामानाची नोंदणी न करता घेऊन जाणाऱ्या २०५ प्रवाशांवरही कारवाई करण्यात आली. त्यांच्याकडून २१ हजार २४० रुपयांचा दंड वसूल करण्यात आला.

Jamtara Train accident
झारखंडच्या जामतारा स्थानकाजवळ मोठी दुर्घटना, रेल्वेची १२ प्रवाशांना धडक, दोन जणांचा मृत्यू
15 coaches slow local will run between churchgate to virar
चर्चगेट- विरारदरम्यान १५ डब्यांची धीमी लोकल धावणार
special ticket inspection campaign
मुंबई : पुढील एक महिना विशेष तिकीट तपासणी मोहीम, प्रवाशांनी तिकीट काढून प्रवास करण्याचे आवाहन
megablock Konkan railway line
कोकण रेल्वे मार्गावर अडीच तासांचा मेगाब्लॉक

हेही वाचा : पिंपरी-चिंचवड शहरात एक हजार ३५१ कुणबी नोंदी; ‘असे’ मिळविता येणार प्रमाणपत्र

ही कारवाई विभागीय रेल्वे व्यवस्थापक इंदू दुबे यांच्या मार्गदर्शनाखाली आणि वरिष्ठ विभागीय वाणिज्य व्यवस्थापक डॉ. मिलिंद हिरवे यांच्या समन्वयाने आणि विभागीय वाणिज्य व्यवस्थापक डॉ. रामदास भिसे यांच्या नेतृत्वाखाली तिकीट निरीक्षक आणि रेल्वे सुरक्षा दलाच्या मदतीने करण्यात आली.

आतापर्यंतची उच्चांकी दंड वसुली

पुणे विभागाने मागील महिन्यात उच्चांकी दंड वसुलीची कारवाई केली. तिकीट तपासणीतून पुणे विभागाने एकूण ३ कोटी ९ लाख ३५ हजार रुपयांचे उत्पन्न मिळविले. पुणे विभाग सुरू झाल्यापासून आतापर्यंतचे मासिक तिकीट तपासणीचे हे सर्वाधिक उत्पन्न आहे. याआधी यंदा एप्रिलमध्ये २ कोटी ८० लाख रुपयांची उच्चांकी दंड वसुली झाली होती.

हेही वाचा : ‘इझी पे’ कंपनीवर कर्मचाऱ्यांनीच मारला करोडोंचा इझी डल्ला!

“रेल्वे प्रशासनाकडून तिकीट तपासणी मोहीम सातत्याने सुरू आहे. प्रवाशांनी योग्य तिकीट घेऊनच प्रवास करावा, अन्यथा त्यांना रेल्वे कायद्यांतर्गत दंड भरावा लागेल आणि तो न भरल्यास तुरुंगवासही होऊ शकतो.” – डॉ. रामदास भिसे, विभागीय वाणिज्य व्यवस्थापक, मध्य रेल्वे

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In pune railway station 2 crore fifty lakh rupees fine recovered from ticketless passengers in november pune print news stj 05 css

First published on: 08-12-2023 at 11:37 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×